Uşaqlıq yolu qızlıq pərdəsindən sonra başlayan boruşəkilli. 8-9sm uzunluğu və 2-3sm enində əzələdən ibarətdir. Onun bir neçə vəzifəsi var: cinsi əlaqədə kişinin cinsiyyət orqanını və spermanı qəbul edir, uşaqlığın boynu ilə doğuş zamanı dölün və plasentanın keçməsi üçün doğuş yolunu təşkil edir, uşaqlığı xarici mühitin müxtəlif təsirlərindən qoruyur.

Doğuş yolunun daxili səthi incə. tez zədələnən və müxtəlif infeksiyalara yüksək dərəcədə həssas selikli qişa ilə örtülmüşdür. Uşaqlıq yolunun selikli qişasında həmişə süd turşusu bakteriyaları (Dederleyn çöpləri) olur. 00000000 Bu bakteriyaların fəaliyyəti nəticəsində uşaqlıq yolunun selikli qişasında əmələ gələn qlikogendən (heyvani nişasta) süd turşusu hasil olur. Uşaqlıq yolunda əmələ gəlmiş turş mühit xarici mühitdən keçən mikroorqanizmlərə öldürücü təsir göstərməklə qadının – daxili cinsiyyət orqanlarını bir çox infeksiyalardan qoruyur