Menstruasiyanın bəzən daha gec başlanması, əgər bunun üçün xüsusi səbəblər yoxdursa, normadan kənar hesab olunmaya bilər. Bəzi gecikmələr ailənin xüsusiyyətilə (menarxenin qızın anasında da gecikməsi), qızın bədən quruluşu ilə (aybaşı kök qızlarda tez, arıqlarda isə nisbətən gec başlayır) əlaqədar olur. Aybaşının tez və ya gec başlanması idman məşğələrinin intensivliyi ilə də əlaqədar ola bilər. Belə ki, idman məşğələlərinin həddən. artıq fiziki yükü aybaşının başlanmasını yubadır, üzgüçülük isə əksinə sürətləndirir. Valideynlər, müəllimlər, məşqçilər bilməlidirlər ki, menarxeni» istər tez və istərsə də gec başlanması, nonnaya düşmə müddətinin uzanması (6-8 ay və daha çox), menstnıal dövrün tərəddüdü (2-3 gün və daha çox), qanaxmanın miqdarının artması (200 ml və daha cox) yumurtalıqların işində müxtəlif pozğunluqlar olduğunu xəbər verir. Belə hallar baş verdikdə onların nəticələrinin qarşısını almaq üçün qız həkimə müraciət etməlidir.

Hər bir yaşlı qadın özündə menarxenin nə vaxt olduğunu, aybaşının nə vaxt qaydaya düşdüyünü, onun daimi tipini, necə keçdiyini, menarxedən əvvəl və sonra özünü necə hiss etdiyini və bununla əlaqədar olan başqa məsələləri yadında saxlamalıdır