sinir mərkəzləri) və cinsiyyət üzvlərinin (yumurtalıq, uşaqlıq yolu, uşaqlıq, uşaqlıq boruları) birgə fəaliyyəti ilə həyata keçirilir.

Aybaşı dövrünün gedişində qeyri-adilik fizioloji şəkildə qızlarda cinsi yetişkənliyə qədər, qadınlarda hamiləlik zamanı. uşaq əmizdirdikdə, klimaksdan sonra amenoreya (aybaşının olmaması) kimi özünü göstərə bilər. Patoloji amenoreya birincili və ikincili ola bilər. Birincili amenoreya 15-16 yaşında və daha böyük qızlarda aybaşının olmamasıdır. Bu, aybaşı dövrünün ən, ağır pozğunluqlarından biri və çox ciddi məsələdir. İkincili amenoreya başlanmasından sonra 6 ay və bəzən daha uzun müddətdə onun olmamasıdır. Bunun, əmələ gəlməsi üçün səbəblər çoxdur: ümumi və cinsi infantilizm, uşaqlıqda vərəm, tonzillit, müxtəlif infeksiyalar və s. xəstəliklərin keçirilməsi, halsızlıq, stresslər, daxili sekresiya vəzilərinin fəaliyyətindəki genetik qüsurlar və s. Bütün hallarda təcili və yüksək ixtisaslı həkim köməyi lazımdır.

Qadınlarda yaş artdıqca aybaşı funksiyası azalmağa başlayır və klimaksın başlanması ilə (45-50 yaşlarında) tamamilə kəsilir. Bu fizioloji hal təşvişə səbəb olmamalıdır və yalnız orqanizmdə bununla əlaqədar müxtəlif pozğunluqlar (sinir, ürək, qan damar, endokrin və s.) əmələ gəldikdə mütəxəssis həkimə müraciət etmək lazımdır. hazırda çətin keçirilən klimaksın gedişini yüngülləşdirən üsullar