Qadın cinsiyyət orqanlarının gigiyenası. Qadın cinsiyyət orqanlarının xəstəliklərinin qarşısının alınması onun doğulduğu gündən başlanmalıdır. Bu, cinsiyyət orqanlarının, düz bağırsaq çıxacağının və aralığın yuyulub təmizlənməsindən ibarətdir.

Qız uşağının gigiyenasının əsas qaydalarını bilmək vacibdir. Yuyunmağa başlamazdan əvvəl əllər sabunla təmiz yuyulmalıdır. Sonra ilıq su, həmişə yalnız bu məqsəd üçün işlədilən kiçik ləyən, təmiz, pambıq və ya tənzif parçası hazırlamaq lazımdır. Qız ləyənə çöməlib dayanmalı, ana və ya tərbiyəçi onun arxasında bir əlində su qabı, o biri əlində sabun sürtülmüş pambıq (tənzif) qasıq nahiyəsindən başlayaraq xarici cinsiyyət dodaqlarını ehtiyatla yumalıdır. Sonra yuyulmuş sahə (cinsiyyət orqanları, aralıq, budların daxili səthi) bu məqsəd üçün ayrılmış yumşaq dəsmal ilə qurulanmalıdır. Həkimin təyinatı olmadan qız uşağını müxtəlif dərmanlar, ot dəmləmələri və s. ilə yumaq qəti qadağandır. Səhər və axşam yatmazdan əvvəl yuyunmaq vacibdir. Uşaqlar bu tədbiri sevir və tezliklə dişləri, əl-üzü yumaq kimi ona da adət edirlər. Bütün bunları 7-8 yaşında qız uşağı anasının, nənəsinin. böyük bacısının nəzarəti altında, daha sonralar isə müstəqil olaraq özü də edə bilər.

Eyni vaxtda həmin təmizləmə işi anus nahiyəsində də (cinsiyyət orqanlarına toxunmadan) aparılır. Göstərilən yerlərdə təmizlənmə işi hər gün aparılmalıdır. Hər cinsi ayaqyolundan istifadə olunduqdan sonra xarici cinsiyyət orqanların yuyub kiçik tənzif və ya kağız dəsmallarla qurutmaq lazımdır. Bu məqsəd üçün qəzet və təsadüfi kağızlardan istifadə olunmamalıdır.

Oğlanlar və kişilər də anus nahiyəsini yumağa və xüsusi dəsmallarla qurulamağa adət etməlidirlər.