Qısa, maraqlı və ibrətli bir hekayə. Oxuyub qiymət verin...

Bir gün kor bir kişi dilənçilik edirmiş. Qarşısında papağı və onun yanında üzərində bu sözlər yazılmış bir lövhə qoyur: «Mən koram. Mənə kömək edin.»
Həmin an onun yanından bir nəfər keçir. Dayanan kor kişinin qarşısındakı papağın içinə baxanda görür ki, orada çox az miqdarda pul var. Həmin şəxs cibindən bir miqdar çıxarır və onun papağına qoyur. Daha sonra kor kişidən icazə almadan onun qarşısındakı lövhəni götürüb, ora başqa bir cümlə yazdıqdan sonra onu yerinə qoyub, yoluna davam edir. Bir müddət sonra kor kişi hiss edir ki, papağı yavaş-yavaş pulla dolmağa başlayır. Hiss edir ki, bu, lövhədə yazılan yazı ilə bağlıdır. Kor yoldan keçən bir nəfəri saxlayıb, ondan lövhədə nə yazıldığını soruşur. Həmin adam ona yazılan bu sözləri oxuyur:
«Çox gözəl bir bahar günüdür. Amma mən onu görə bilmirəm.»

Bəzən işlər istədiyimiz kimi getmir. Belə olduqda sahib olduğumuz digər vasitələr və edə biləcəyimiz digər şeylər haqda düşünməliyik.