Neyrofizioloqlar istər cavanlara, istərsə də yaşlılara uzun müddət sağlam düşüncəyə və yaxşı yaddaşa malik olmağa kömək edən bir neçə qida məhsuluna üstünlük verməyi məsləhət görürlər.

Zehni qabiliyyəti yaxşılaşdırmaq üçün meyvə və tərəvəzlər çox faydalıdır. Serotoninlə zəngin olan ananas duyğu orqanlarını daha həssas edir.

Dəniz və çay balığından hazırlanan xörəkləri isə ən azı həftədə 2 dəfə yemək lazımdır. Dəniz sakinləri bizim “boz” hüceyrələrimizi məhsuldar çalışmağa məcbur edən fosfor və müxtəlif doymuş yağ turşuları ilə zəngindir.

Bananın tərkibi çatışmazlığı unutqanlığa səbəb olan B6 vitamini ilə zəngindir.

Üzüm insana fikrini və diqqətini toplamağa kömək edir. Bu sahədə alma da faydalı meyvədir: dərsliyi açmaq və alma yemək - əla uyğunlaşmadı.

Pomidorda xeyli miqdarda manqan var ki, zehni fəaliyyətlə məşğul olan insanlar üçün çox faydalıdır.

Kök orqanizmdə, həmçinin beyində olan qocalma prosesini ləngidir. Qırmızı bibər və portağal da eyni effektə malikdir.

Yorğunluqla mübarizə aparmaq üçün şampinyon yemək faydalıdır. Bu göbələk növü B3 vitamini və pantoten turşusu ilə zəngindir.

Kartof əmək qabiliyyətini artırır.

Günəbaxan yağı təsəvvür səviyyəsinə təsir edir.

Yaddaşı möhkəmlətmək üçün neyrofizioloqlar həm cavan, həm də yaşlılara qoz yeməyi məsləhət görürlər.

Aydın düşüncə üçün səhər içilən tünd çay və ya qəhvədən yaxşı heç nə yoxdur. Səhər 220-270 qr qəhvə içən yaşlıların yaddaşı kofeinli içkilər içməyənlərdən daha yaxşıdır.

Sarı zəncəfil yaddaşı qoruyur: dünyada alsheymer (yaddaşın zəifləməsi) xəstəliyindən ən az əziyyət çəkənlər Hindistanın kəndlərində yaşayan əhalidir. Bu, onunla izah olunur ki, həmin kəndin sakinləri qidaya çoxlu ətirli ədviyyatlar əlavə edirlər. Ədviyyatların tərkibinə isə kurkuma daxildir.