"Sevgilim, bu axşam bir başqa gözəldir. Açıq səmada parıldayıb işıq saçan ulduzlara baxıram, mənim kimi onlara tamaşa edən aya baxıram, sanki xəyalən üzünü onların arasında görürəm. Gözəlliyin onlara bir başqa gözəllik verir. Xoşbəxt hiss edirəm özümü, sevirəm və sevilirəm sən tərəfdən, gözəl anlar yaşayırıq birlikdə, pişiyim, xoş hisslər, sevgi dolu həyatımız var səninlə, Canım. Səni düşünərək yaşayıram, əzizim, sənsizliyi istəmirəm..." - deyə iki sevgili arasında olan (hamısı eyni cütlər arasında və ya başqa-başqa hissələr başqa sevgililər arasında ola bilər) belə və daha da romantik, bəzilərinə görə isə əttökən sevgi söhbəti ilə başlayım yazıya...
Ən azı 1 dəfə də olsa iki sevgilinin söhbətini istəyərək və ya istəməyərək dinləmisiniz. Hər kəs özünəməxsus sevir. Hisslərini gözəl ifadə edən var, qapalı olub sevgisini göstərməyən və ya göstərə bilməyən var, bir xoş söz ilə xoşbəxt olan, hər gün sevgi sözləri eşitmək istəyən var. Müxtəlifdir hər kəs. Yuxarıda yazdığım qısa monoloqu oxuyan kimi çoxunu "ətim töküldü" demisiniz, əminəm:) Bu normaldır, belə sevgi sözlərindən, söhbətlərindən xoşu gəlməyən, eşidərkən "əti tökülən" az deyil. Əlbəttə bunu paxıllıq və başqa məqsədlərlə edənlər də az deyil.
Bir də vəziyyətə onlar tərəfdən baxın. Daxildən gələn həqiqi sevgi (indi bütün sevgilər yalançıdır deməyin, istisna həmişə var) onları necə xoşbəxt edə bilər? Sizin ətinizi tökən sözlər deyildiyi insanı sevindirə bilər. Onların ən azından (sənə görə) əttökən də olsa sevgiləri var. Qəlbi sevgi ilə dolu insan (hansı sevgi növü olursa-olsun fərq etməz) xoşbəxt insandır. Sevin-sevilin, əttökən və ya romantik, əsas odur sevgi yaşayın, hər bir sevgi növünə qəlbinizdə yer ayırın. Bu mövzuya da o hər birinin baxış bucağı ilə yanaşın.
İndi isə, ətiniz yerindədirsə, fikrinizi bildirməyi unutmayın:)

Müəllifdən: Mövzunu daha yaxşı başa düşmək üçün çalışın birtərəfli yanaşmayasınız, mövzu birtərəfli yazılsa da...