Siz heç gedəcəyinə əmin olduğunuz birini sevdiniz mi? Yalnız sevdiyi üçün yanınızda olmasını istəmənin düzgün olmadığını, sizinki qədər olmasa da, onun ürəyində yeriniz olduğuna inandığınız bir adamı sevmənin, nə qədər çətin olduğunu bilirsinizmi? Nə mənə, nə başqasına aid olan; bir çinar kimi tək yaşayan, azadlığını əllərinə qandal etməyən bir adamı sevirəm. Hər düşündüyümdə ürəyimi ağrıdır sevgim. Necə izah edim bu duyğunu bilmirəmki? Ayrılığın çox uzaq olmadığını bilə-bilə sevmək. Vaxtı gəldiyində gedəcəyini bildiyim bir adamı sevirəm. Halbuki qalsın istərdim. Bir ömrü birlikdə keçirək. Yaşlanaq birlikdə, ölək birlikdə. Çiyin-çiyinə dayanaq ayaqda, həyatın çətin yükünü birlikdə daşıyaq. Çöldə tufan qopmuş, günəş çıxmış, vulkanlar partlamış, bizə nə? Heç bir şeyə baxmayaraq bir-birimizə təkan olaq.
Birinə, sən sevirsən deyə qal demək olmur. Bilirsən, hiss edirsən, indi olmasa da sabah, mütləq gedəcək. Onsuz da sevgi, sevən ürəyi bağlıyar, buna qarşı tərəf günahkar deyil ki! Adama deyərlər sevməyəydin, silah gücü ilə sevdirmədilərki. Acı, eşqin qan qardaşıdır, ayrılmamağa əhd ediblər. Nə vaxt könlünə eşq atəşi düşsə, bil ki canın yanacaq. Elə böyük alov topları partlayacaq ki içində, hər tərəf kül, duman olacaq. Gözündən yaş yerinə ömrün axacaq. Birinə tutuldunsa, söz keçirdə bilməzsən ürəyinə, özünü yanğınlara hazırlayacağsan. Əvvəli, axırı görməyi öyrənəcəksən. Eşq dediyin, bir növ dəlilik halı, ağıllı insan aşiq olarmı heç? Əslində, ağılı olan sevər.
Gedəcək bir adamı sevirəm. Özünə zülm etmək belə olmalıdır amma bu, zülm zülmlər içində ən zadəgan olanıdı. Qarşılıq gözləmədən sevməyi öyrədirəm ürəyimə. Bütün insani istəklərimə baxmayaraq, olduğu qədəriylə kifayətlənərək dadını çıxarıram. Haqq etdiyinə inandığım bir kişiyə, daha əvvəl kimsəyə baxmamışım kimi baxıram.
Sonu ayrılıq olacaq bir eşqə qaçıram. Üstüm başım nə qədər çirkli olsa da, sevgimi yudum, gümüş bir nimçədə təqdim edirəm.İstər alar, istər almaz, amma mən eşqə inancını itirmişlərə inad