Din nədir?O nəyə görə lazımdır?Məgər dinsiz yaşamaq olarmı?Cəmiyyət dinsiz mövcud ola bilərmi?Nəyə görə dünya dinləri olduqca müxtəlifdir?Niyə hamımızın etiqad etdiyi vahid din yoxdur?Bu suallar çoxdur,lap çox...Bir yazıda bu sualların hamısına cavab vermək qeyri-mümkündür.Lakin sosiologiya elmi cəmiyyəti kompleks şəkildə tətqiq etdiyindən cəmiyyətin əsas sosial institutlarından olan dini kənarda qoya bilməzdi.Deyə bilərəm ki,bəlkə də sosiologiyanın öyrəndiyi əsas tətqiqat sahələrindən biri məhz dindir.Dinin sosiologiyası cəmiyyətin sosial strukturunda özünəməxsus yer tutan dinin sosial mahiyyətini,onun institusional funksiyalarını,cəmiyyətin inkişafı ilə əlaqədər olaraq dinlərin də inkişafını və dəyişilməsini və ən nəhayət dinin cəmiyyətə və eləcə də cəmiyyətin strukturunun dinin əsas özəyinə necə təsir etdiyini,onu necə dəyişdirdiyini öyrənən sosioloji fənndir.Din-cəmiyyəti tənzimləyən,onun fərdlərinə nəzarət edən,onların sosial,iqtisadi,siyasi,ailə,mə​işət və digər həyat sferalarını qayda və normalarla nizamlayan,fərdləri stimullaşdıran və yeri gəlsə cəzalandıran normalar və dəyərlər sistemidir.Din həm də ictimai şüurun bir forması olub insanların dünyagörüşünü özündə ifadə edir.Sosial elmlərdə dinin tərifi təxmini bu cürdür və qəti olaraq sosial elmlərdə dinin ilahi təbiətindən və müqəddəslik anlayışından danışıla bilməz.Çünki bu elmi prinsiplərə olduqca ziddir.Dinin sosial mahiyyətinin öyrənilməsi,onun sosial təbiəti haqda fikirlər hələ qədim yunan filosoflarından Platon və Aristotelin əsərlərinə gedib çıxır.Lakin bu müəlliflərin əsərlərində din sistematik tətqiq olunmamış və bir qədər də fəlsəfi-ilahi anlamdan kənara çıxa bilməmişdir.Orta əsrlərdə də dinin öyrənilməsi sırf ilahiyyatçı və filosoflar tərəfindən həyata keçirildiyi üçün yenə də,din sırf sosial hadisə kimi yox,məhz teokratik və ilahi anlamda tətqiq edilmiş və dinlərin ilahi təbiətə malik olmalarından söhbət getmişdir(Qərbdə Foma Akvinski,Şəqdə Qəzali və başqalarını buna misal gətirmək olar).