Bir neçə il də keçdi.Artıq tələbə idim.Kəndə daha az-az gedirdim.Aliyənin ailəsinin başına gələnləri yenicə unutmağa başlamışdım ki, yenə onların xəbərini aldım.Bu xəbər məni daha çox sarsıtdı...Söz-söhbət azalıb, uşaqlar bir az böyüyən kimi Səringül Ağanı evləndirib Aliyəni də ərə verdi.Atasının ölümündən bəri üzü gülməyən Aliyə indi çox xoşbəxt idi.Qaynanası ona ana əvəzi oldu.Bir dəfə də olsa ailəsiylə bağlı xoşagəlməz hadisələri ona xatırlatmadılar.Nəhayət ki, tale onun da üzünə gülməyə başlayırdı.Amma bu xoşbəxtlik uzun sürmədi.Sanki gözə gəldi bədbəxt Aliyə.Ərə gedəndən bir neçə ay sonra Aliyə qəfil xəstələnib çox gənc yaşında dünyasını dəyişdi.Kiçik bacısı Aynanın bu zaman 15 yaşı hələ tamam olmamışdı.Uşaq vaxtı gözəl olmasa da böyüdükcə kəndin ən gözəl qızı olmuşdu.Ağappaq dərisi, onu özbəklərə oxşadan qıyıq gözləri, anası və bacısı kimi sanki onlara irsən keçən daimi təbəssümü, nazik, düz, şabalıdı rəngdə uzun saçları, düz qaməti ona bir ilahi gözəllik verirdi.Amma Aynanın taleyi hələ gözünü açandan onun üzünə gülməmişdi.Əvvəlcə atasını itirdi.Evin sonbeşiyi olduğu üçün (o zaman balaca Aslan hələ dünyaya gəlməmişdi) atası onu hamıdan çox istəyirdi.O da anasından çox atasına bağlanmışdı.Atasının qəfil ölümünü qəbul edə bilmirdi.Həyatının ilk kədərli hadisəsini, ilk itkinin acısını unutmamış anasının başına gələnlər...Uşaq idi, hələ nə baş verdiyini o zaman dərk etmirdi.Yadında qalan və ona ən çox təsir edən onları zorla anasından ayırmaları olmuşdu.Daha sonra ana əvəzi bacısı Aliyənin qəfil ölümü...Bir dərdi unutmamış o biri gəlirdi.Atasının ölümünə anasının köməyilə alışmağa başlayırdı ki, anadan ayırdılar.Ananın yoxluğunu bacısı Aliyə ona unutdururdu ki, o da daha yoxdur!Bəs indi Aliyənin ölümünə görə çəkdiyi acıları kim azaltsın?Bibisi Səringülmü?Bibisi onların xoşbəxtliyinə çalışsa da onu heç sevmirdi.Anasına etdiklərinə görə onu bağışlaya bilmirdi.Anasını da daha istəmirdi.Atasının ruhuna xəyanət etdiyi üçün gözündən düşmüşdü.Onun üzündən həmin gündən