İtaliyalı psixoloqlardan ibarət qrup araşdırma apararaq müəyyən edib ki, qısqanclıq çoxlarının söylədiyi kimi, qəbahət və ya müəmma yox, taməsaslı hissdir. Alimlər hesab edirlər ki, insanlarda sevdikləri şəxsə qarşı qısqanclıq yaranmasına 98 faiz halda əsas olur. Araşdırma nəticəsində sözügedən hissin daha çox gənclərdə yarandığı da müəyyən edilib. Məlum olub ki, yaşı 16 - 21 arasında olan gənclərin ən azı 65 faizi sevdikləri şəxsə - rəfiqələrinə və ya dostlarına qarşı qısqanclıq keçirir.Maraqlıdır ki, onların ən azı 80 faizinin qadınlar olduğu da üzə çıxıb. "Bununla yanaşı, əminliklə söyləmək olar ki, qısqanclıq qətiyyən qəbahət və ya hər hansı qeyri-müəyyən hiss deyil. Qısqanclığın yaranmasına əksər hallarda səbəblər olur", - deyə tədqiqat müəllifləri bildirir. Rəyi soruşulanların 50 faizi sevdiyi şəxs haqqında müəyyən şübhələrinin olduğunu, 39 faizi ona nəzarət etməyə çalışdığını, telefon zənglərini, qəbul etdiyi SMS-ləri və ya elektron məktubları yoxlamağa cəhd göstərdiyini etiraf edib. Qısqanclıq ən saf və təmiz hisslərin qənimidir. Bu sözləri hələ bizim eramızın 30-cu illərində dahi Ovidiy dilə gətirib. Lakin tarixin bütün dövrlərində, adi insanlardan tutmuş dahilərə qədər məhəbbətin acı zəhəri -qısqanclıq haqqında düşüncələrin bir hissəsi: Aleksandr Düma hesab edir di ki, yalnız qısqanclıq məhəbbətin gücünü əks etdirən göstəricidir. Andre Morua əmin idi ki, qısqanclıq insanları bir-birinə bağlayır.
Filosof Jordano Bruno isə qısqanclığı məhəbbəti məhv edən bir qüvvə kimi gələmə verirdi.
Bəs qısqanclıq nədir? Biz bu qüsuru özümüzdə aşkar etdikdə nə etməliyik? Qısqanclığın yaş həddi, cins fərqi olmur. Bu hiss insanda sevdiyi insanı itirmək təhlükəsi qarşısında yaranır. Qısqanclıq bu və ya digər insanın fərqli xüsusiyyətlərinə yönəlmiş paxıllıq hisslərindən fərqlənir. Qısqanclığı əsil məhəbbətin göstəricisi deyənlər də var, ola bilər bəlkə də bu belədir. Lakin qısqanclıq həmçinin eqoizmin də bariz göstəricisidir. Sevdiyin şəxsi qısqanmaq da olar, onun üçün