Bir çörəkçi kərə yağını yaxınlıqda yaşayan bir südçüdən alırdı. Bir gün çörəkçi südçüdən aldığı yağın yüngül olduğunu hiss edir. Və o bundan sonra aldığı yağı çəkməyə başladı. Qəribə olsa da hər gün kərə yağının çəkisi azalırdı. Nəhayət çörəkçi özündən çıxdı və südçünü məhkəməyə verdi. Artıq iş hakim qarşısında idi. Hakim südçüdən:
- Sənin tərəzin var? - deyə soruşdu.
Südçü:
- Əlbəttə var, - deyə cavab verdi.
- Bəs çəkin?
- Çəkiyə ehtiyac yoxdur...
- Əgər çəkin yoxdusa onda necə kərə yağını çəkirsən?
- Çox asan. O məndən kərə yağı aldığı kimi mən də ondan çörək alıram. Tərəzinin bir gözünə çörək, digərinə yağ qoyuram və çəkirəm. Əgər nəsə nöqsan varsa bu mənim deyil onun nöqsanıdır...
Və hakim südçüyə bəraət verdi..