Xarici ölkələrin birində universitet bitirmiş savadlı bir gənc vətəninə ateist olaraq dönür. 3 sualına heç kimsə tərəfindən cavab tapmayan gənc bir qocaya yaxınlaşıb deyir:
- Qoca sənə 3 sualım var. Onlara cavab verə bilərsənmi?
Qoca:
- İnşaallah verərəm.
Gənc:
- Mən bu suallari alimlərə belə vermişəm, amma cavab verə bilməyiblər. Sen savadsiz bir qoca nece cavab vereceksen?
Qoca bir daha:
- Allahın izni ilə cavab verərəm, oğlum.
Gənc:
- 1. Allah varmı? Əgər o həqiqətən də mövcuddursa mənə onu göstər.
2. Qismət nədir?
3. Əgər şeytan atəşdən yaradıldısa nə üçün cəhənnəmə göndərilir? Cəhənnəm də atəşlə doludur. Atəş atəşi necə yandıra bilər?
Bu an qoca gəncin başında saxsı bir qab sındırır. Gənc başının ağrısından ufuldaya-ufuldaya:
- Niyə hirsləndin?
Qoca: - Hirslənmədim. Bu sənin ilk sualının cavabıdır.
Gənc: - Heç nə başa düşmədim.
Qoca: - Başında bu saxsi sınınca özünü necə hiss etdin?
Gənc: - Tebii ki, başım çox ağrıdı.
Qoca: - Yəni ağrının olduğuna inanirsan, deyilmi?
Gənc: - Əlbətdə
Qoca: - Onda mənə onu göstər.
Gənc: - Axı göstərə bilmərəm.
Qoca: - Bu mənim ilk sualına cavabım. Hamı Allahın varlığını hiss edər amma görməz. İndi 2-ci suala cavab. Dünən gecə yuxunda sənin başında bu gün bu saxsını sındıracağimı gördünmü? Və ya kimsə sənə bunu dedimi?
Gənc: - Yox.
Qoca: - Heç bu gün belə bir şey olacağını fikirləşdinmi?
Gənc: - Yox.
Qoca: - Bax demək ki, bu sənin qismətin imiş. Indi 3-cu suala cavab. Biz insanlar nədən yaradıldıq? Torpaqdanmı?
Gənc: - Bəli, torpaqdan.
Qoca: - Onda bu saxsı da torpaqdan yaradılmadımı? Bax, görürsən… Allah istəsə atəşdən yaratdığı şeytanı elə atəşdəcə cəzalandırar.