Bakıda 2 nefer 1,5 milyon dollara göre girov götürülüb

Girov saxlanılan şexslerin milyon manatlarla borcu varmış

Bakıda borca göre girov götürülen iki nefer azad olunub. Noyabrın 28-de Mehman Ramiz oğlu Vahabzadenin ve Samid Rasim oğlu Mikayılovun pul borcu ile elaqedar Nesimi rayonu erazisinde - Deyanet Ekber oğlu İsmayılova mexsus ofisde girov saxlanmaları barede Baş Müteşekkil Cinayetkarlıqla Mübarize İdaresine emeliyyat melumatı daxil olub.


Bununla elaqedar derhal heyata keçirilmiş tedbirler neticesinde onlar girovluqdan azad edilibler. İlkin araşdırmalarla müeyyen edilib ki, Deyanet İsmayılov noyabrın 20-de Mehman Vahabzadeni ve Samid Mikayılovu aralarında olan 1,5 milyon dollarlıq borc meselesini hell etmek adı ile ofisine devet edib ve sonradan onların ofisden çıxmalarına mehdudiyyet qoyub.
İsmayılov onları borcu tam ödeyene ve mülkiyyetlerini onun adına keçireceklerine qeder girov saxlayacağını bildirib. Araşdırmalar zamanı Vahabzadenin ve Mikayılovun ayrı-ayrı şexslere ümumilikde 3 milyon manat borclarının olduğu da müeyyen edilib.

Emeliyyat tedbirleri davam etdirilir.