Aktrisa Sevil Xelilova 58 yaşında vefat edib

Emekdar artist bu gece qefleten dünyasını deyişib

Akademik Milli Dram Teatrının aktrisası, emekdar artist Sevil Xelilova dünen gece 58 yaşında vefat edib. Teatrın truppa müdiri Elnur Memmedovun verdiyi melumata göre, aktrisanın ölüm sebebi hele deqiq melum deyil: "Srağagün Sevil xanımla danışdım. Heç bir problemi yox idi, sağlam idi. Meşqin vaxtını dedim. Seher qızı zeng vurub dedi ki, anası rehmete gedib. Qefleten olub, heç bilmirik niye".


Truppa müdirinin sözlerine göre, aktrisa ile vida merasimi bu gün saat 14.00-da yaşadığı menzilde olacaq.


Sevil Rza qızı Xelilova 10 yanvar 1953-cü ilde Bakıda anadan olub. C.Cabbarlı adına "Azerbaycanfilm" kinostudiyası nezdindeki "kino aktyoru" kursunun axşam şöbesinde (1969-1970) tehsil alıb, 1970-ci ilde Mirzağa Eliyev adına Azerbaycan Dövlet İncesenet İnstitutunun kino aktyorluğu fakültesine daxil olub. Hele telebe iken Akademik Milli Dram Teatrında N.Hikmetin "Şöhret ve ya unudulan adam" psixoloji dramını tamaşaya hazırlayan H.Salayevin deveti ile bu eserde Professorun qızı rolunu ifa edib. Aktrisa 1974-cü ilden teyinatla Akademik Milli Dram Teatrında işlemeye gönderilib. Öten iller erzinde milli ve dünya klassiklerinin, müasir Azerbaycan ve ecnebi dramaturqların eserlerinin tamaşalarında oynayıb. "Kölgeler pıçıldaşır"da Çeşme, "Şeherin yay günleri"nde Qumru, "Deli yığıncağı"nda Zevvar, "Eliqulu evlenir"de Humay, "Kimdir haqlı?"da Melahet, "Büllur sarayda"da Seadet, "Tehmine ve Zaur"da Medine, "Üç quruşluq opera"da Kitti, "Nişanlı qız"da Zerife, "Vaqif"de Gülnar, "Fedra"da Enona, "Poçt şöbesinde xeyal"da Züleyxa, "Köhne ev"de Melek, "Herenin öz payı"nda Xedice xala, "Afet"de İlçay, "Dirilen adam"da Telli, "Ölüler"de Meşedi Orucun anası, "Ölüleri qebiristanlıqda basdırın"da Gülendam, "Eloğlu"da Cevahir xanım ve s. Rollarını ifa edib.


Aktrisa Azerbaycan Dövlet Televiziyasının hazırladığı tamaşalarda da maraqlı obrazlar yaradıb.


Sevil Xelilova

[1] 2 >>