Sevimli qızım,
Bu gün on yeddi yaşını bitirib, on səkkiz yaşına
çatırsan. Artıq özünə istiqamət verə biləcəyin bir
çağa gəldin deməkdir bu. Qısa bir müddət sonra
evlənəcəksən şübhəsiz. Əvvəl sənə bunu söyləmək
istəyirəm. Ağ gəlinliyinin içində, evlənəcəyin adama
doğru irəliləyərkən, üzərində daşıdığın paltarın qədər
təmiz və saf olmalısan. Səhv hərəkətlər edib və
bunun kimsə tərəfindən bilinməyəcəyini düşünsən,
yanılarsan qızım. Çünki sənin vicdanın səni
cəzalandırar və xoşbəxt ola bilmədiyin kimi, xoşbəxt
də edə bilməzsən.
Bütün həyatına təsir edəcək bu cür macəralardan
uzaq ol. Sizin yaşlarınızda ay sevgilim olsun, onunla
gəzib dolaşım və s. bu kimi davranışlar bəlkə qürur
vericidir, amma diqqət yetirməz və bu yoldaşlıq
sərhədini aşacaq olsan nə qürurun, nə də şərəfin
qalacaq. Bunu əsla unutma qızım.
Evləndikdən sonra qarşında yeni və tam fərqli bir
həyatın açıldığını görəcəksən. Bunun gözəl və
cazibədar yanları olduğu qədər, çətin və kədərli
yanları da olacaq.
Evlilikdə heç unutmamağın lazım olan əhəmiyyətli
nöqtələrdən biri, həyat yoldaşına olan bağlılığını və
onunla qürur duyduğunu tez-tez ifadə etməyindir.
Çünki ailə içindəki hüzur, mehribanlıq və xoşbəxtlik
buna bağlıdır. İşindən dönüb evə gəldiyində həyat
yoldaşını daha qapıdan girərkən gülər yüzlə
qarşılamalısan. Zaman-zaman əsəbi ola bilər. Günün
şərtləri, işdə yaşanılanlar onu belə əsəbi etmiş ola
bilər. Bax o zaman ən böyük vəzifən başlayacaq
balam. Ərinə o günü necə keçirdiyini sənə izah
edərək rahatlaması üçün fürsət hazırlamalısan. Bu
davranışın çox sevindirəcək onu. Sevildiyini bilən kişi
yoldaşını da sevər. Ailədəki vəzifələrini tam yerinə
yetirə bilməyin üçün köhnə vərdişlərindən və gənc
qızlıq xəyallarından əl çəkməyinin lazım olduğunu
əsla unutma. Əgər özündə bu gücü tapa
bilmirsənsə, əsla evlənməyə cəhd etmə. Çünki
qarşındakı adamı bədbəxt etməyə haqqın yoxdu,
balam.
Əhəmiyyətli nöqtələrdən biri də, sənin üçün qiymətli
olmayan kiçicik bir şey onun üçün