Günün birində biri, qarşınıza keçib "Məsafələr sevgini öldürər" desə, bunu tamamilə inkar edin.
Çünki sevgi, dil, din, irq və kilometr tanımaz...
Ayrı şəhərlərdə, hətta başqa ölkələrdə də olsanız, "sevirsinizsə" bunun bir maneə olmadığını anlayarsınız.
Bəzən eyni anda telefona sarılarsınız, bəzən də eyni vaxtda sevdiyinizə mesaj göndərərsiniz.
Bu xüsusi anlara təəccüblənərsiniz, amma inanarsınız.
Bunun tək açıqlaması var, sevirsiniz.
Hər zamankindən daha çox həsrət yüklənmiş mahnıları dinləməyə başlayarsınız, sevginiz sizi həsrət dolu şeirlər oxumağa itələyər.
Heç ümid etmədiyiniz anlarda gözləriniz dola bilər, ağlamaq istəyərsiniz.
Həyatdakı hər gözəlliyi uzaqdakı sevgilinizə həsr etməyə başlayarsınız.
Artıq yağan yağış daha fərqli hisslərə aparar sizi.
Gördüyünüz göyqurğının şərq ilə qərbi rəngləriylə bir-birinə bağlaması da uzaqlardakı sevginizi xatırladar.
Bəzən içinə bir atəş düşər.
Sevdiyinizlə həsrət dənizində üzərkən, ona toxunmaq, üzünə doyunca baxmaq istəyərsiniz.
İlk təyyarələ ya da ilk avtobusla qarşısına çıxmaq istəyərsiniz.
Əlinizdəki çiçəkləri ona verdiyiniz an, onun gözündəki xoşbəxtliyi görüb sevginin ən müqəddəs mükafatını alarsınız.
Hər görüş ürəkləri daha da böyüdər və böyük hərflərlə Sevginin könül dəftərinizə yazarsınız.
Ancaq dəqiqə əqrəbinin yarışı davam edər və sevdiyinizin yanında saatların hər zamankindən daha tez keçdiyinin şahid olarsınız.
Hər səfər bir sonrakı görüşün xəyalları sizi götürər, yolların sevginizə şahid olmağından məmnuniyyət duyarsınız.
Uzaqlarda sevgini belə bənzər təkrarlarla yaşayarsınız, ayrı şəhərlərin acığına.
Və günün birində kimsə qarşınıza keçib sizə "Məsafələr sevgini öldürər" desə, buna şiddətlə qarşı çıxarsınız!

Çünki sevginin dil, din, irq və kilometr tanımadığını hər kəsə ən yaxşı siz izah edərsiniz...

P.S: Bəs siz necə düşünürsünüz, "Gözdən iraq, könüldən iraq" kəlməsi doğrudurmu?