Görmədim,eşitmədim, toxunmadım...
Amma xəyal etdim. Zehinimdə canlandırdım səni. Mənə xəyalpərəst deyənləri buna görə yadırğamıram. Otağımın siqaret tüstüsü üzündən saralmaqda olan divarlarındakı çatlaqlarda tutdum dodaq izlərini bəzən. Və yaxud pəncərəmdən içəriyə utanar kimi süzülən ay işığının əks olunmasında gördüm gözlərini. Və aynaya baxarkən xoşbəxtdim ilk dəfə. bir-birinə qarışmış saqqallarımda sənin saçlarını xəyal etdiyimdəndirmi yoxsa gördüyüm hər şeydə bir parça sən meydana gətirdiyimdəndirmi naməlum...

Amma xəyal etdim. Gitaramın səsində eşitdim səni bəzən kimi zamansa bir piano melodiyasında vardı sənin səsin. Günəş doğulduqdan sonra yataram bilərsən çünki səhər cıvıldayan quşlarda mən sənin səsini eşitdim. Sənin səsinlə yatdım mən həmişə. Sənin səsinlə oyandım çünki anamda sənin səsin vardı.

Amma xəyal etdim. Bir pişiyi sevib oxşayarkən sənə toxunardım. Ovuclarımdakı o kiçik sərçədə sənin ürəyin atırdı mənim üçün. Və niyə səndən sonra daha çox siqaret çəkməyə başladım bilirsənmi? Çünki yandırdığım hər siqaretdə sənin dodaqların vardı səni öpürdüm mən hər nəfəsdə.. Siqaretdən çox da fərqli deyil idin. Sən də get-gedə zərər verirdin mənə bəlkə. Amma bu mənim xoşuma gəlirdi sahib olduğum duyğuların hamısında sənin adın vardı...

Və mən özümə səninlə zərər verməyə davam edirəm sən artıq bu vəziyyətdən sıxılmış və imtina etmiş olsan da. Hətta bəlkə də bilmirəm sən artıq olmasan da. Mən hələ çəkdiyim ağrılardan xilas olmaq üçün bir çox həb içib qusuram səhərə qədər. Acı çəkirəm. Sən heç olmadın bəlkə amma mən həmişə xəyal etdim. Sən mənim üçün çox gözəl bir xəyal idin.. Yox olub getsən belə mən səni görməyə, eşitməyə, sənə toxunmağa davam edəcəyəm..
Bəli səni heç görmədim, eşitmədim, və sənə heç toxunmadım...
Amma xəyal etdim...

Sən çox gözəl bir xəyal idin.
İndi bir külək üflə saçlarını göndər mənə və as məni səmaya, ay işığı və ulduzların uyğunlaşması gözəldir bu gecə...
İnsan öləcəksə belə bir gecədə ölməli sənin əlindən...