O qədər də əhəmiyyətli deyil buraxıb getmələr,
arxalarında doldurulması mümkün olmayan boşluqlar buraxılmasaydı əgər.
utanılacaq bir şey deyil ağlamaq,
ürəkdən süzülüb gəlirsə gözyaşı əgər…
...naməlumluğa yelkən açardı iri gözlər zamanla,
elə dərincə baxmasadılar əgər…
tez unudulardı yaş bir öpüşün yandırıcı dadı bəlkə də,
ürək, sinə qəfəsinə o qədər yüklənməsəydi əgər…
xülyalara belə qar yağmazdı heç bir zaman
meydan döyüşlərində qorxular eşqi ağır yaralamasaydı əgər…
rəngi belə solardı xülyalardakı saçların zamanla,
tərifsiz qoxular yastıqlara yapışıb qalmasaydı əgər…
yuxusuzluqlar yıxıb keçməzdi qısacıq kəsələrin ardından,
toxunulası bədən bir o qədər uzaqda olmasaydı əgər…
həqiqətən boyunu bükməzdi çobanyastığılar,
xəyanətindən də onlar payını almasaydı əgər…
tənhalığa təslim olmazdı sahillər,
öz naməlum sahillərində məqsədsiz gəzintilərlə ovunmağa qalxmamış olsaydın əgər…
Sən getdikdən sonra tək qalacağam