Boksçumuz nokautla qalib geldi

Bu gün daha bir boksçumuz Avropa çempionatında rinqe çıxacaq

Rusiyanın paytaxtı Moskvada telebeler arasında boks üzre Avropa çempionatı start götürüb. Azerbaycan Boks Federasiyasının metbuat xidmetinden verilen melumata göre, "Krokus-Siti" sarayında keçirilen yarışda 7 boksçumuz da iştirak edir. Onlardan ikisi artıq ilk döyüşlerini keçirerek, növbeti merheleye vesiqe qazanıblar. 56 kq çeki derecesinde mübarize aparan 2010-cu ilin gencler arasında dünya çempionu Şaban Şahpelengov Moldova nümayendesi Vadim İvanyuku 9:6 hesabı ile meğlub edib. Boksçumuzun növbeti reqibi ukraynalı Dmitri Rudenko olacaq.

Rauf Rehimov da (81 kq) Moskvada ilk döyüşünü parlaq qelebe ile başa vurub. Yeni çeki derecesinde gücünü sınayan bu ilin gencler arasında Avropa birinciliyinin qalibi moldovalı Mixail Kationovu 2-ci raundda nokauta salıb. Rehimov növbeti merhelede rusiyalı Tahir Pirdamovla qarşılaşacaq. Tessüff ki, iki boksçumuz artıq mübarizeni dayandırıb. Yolçu Zeynalovun (75 kq) estoniyalı Denis Kormilinle döyüşü 15:15 hesabı ile başa çatsa da, hakimler qelebeni reqib idmançıya veribler. Salman İbrahimov ise (60 kq) Vitali Kononova (Belarus) 7:14 hesabıyla uduzub.

Qeyd edek ki, bu gün Azerbaycan boksçularından Elnur Zeynalov rinqe çıxacaq. 64 kq çeki derecesinde mübarize aparan hemyerlimiz irlandiyalı Rohan Deytle üz-üze gelecek.