Birinci mərhələ: Ailə əhatəsində
nahar və ya şam yeməyi şəraiti
yaratmalısınız. Amma
seçəcəyiniz məkan restoran və
ya kafe olmamalıdır, çünki
nəticə düzgün alınmaya bilər.
Məqsəd kişinin yeməkdən
sonrakı davranışına baxmaqdır.
Əgər o, qabları yuyarsa və ya
heç olmasa, öz boşqabını suyun
altına, yaxud qalan çörəyi
çörəkqabına qoyarsa, deməli
belə kişi ümid verəndir. Diqqət!
Əgər o, stolun üstündəki çörək
qırıntılarını çırpıb təmizləyərsə,
belə kişidən uzaq durmaq
məsləhətdir. Çünki yaxşı ər heç
vaxt qırıntıları təmizləməz,
əgər yeməyi hazırlasa, qabları
yusa belə. Yığışdırılmamış
qırıntılar - yaxşı ərin ilk
göstəricisidir.
İkinci mərhələ: Testi həyata
keçirməyin vaxtı payız, qış və
ya baharın əvvəlidir. Sizə iki
yaşından kiçik və beş yaşından
böyük olmayan uşaq və uşaq
geyimi lazımdır. Kişidən uşağı
gəzinti üçün geyindirməsi xahiş
olunmalıdır. Əgər kişi uşağa
gödəkcəni düzgün geyindirib
bağlasa, şərfi taxsa, bu, hələ
heç nəyə dəlalət etmir. Sizi
yalnız papaq
maraqlandırmalıdır. Yadda
saxlayın: yaxşı ər (və ya ata)
uşağı geyindirərkən papağı
həmişə tikişi ön tərəfdə
olmaqla qoyur. Ən pis halda
tikiş yeri kənara düşməlidir,
amma arxaya yox. Beləliklə,
test zamanı tikişlər arxadan
başqa harada olarsa, uğura
inanmaq olar.
Üçüncü mərhələ: Sizdən tələb
olunan yeganə şey stul, divan
və ya hər hansı hündür yerə
qalxıb "Siçan!" qışqırmaqdır.
İdeal kişi sinəsini qabağa
verərək hər tərəfi gözdən
keçirib deyəcək: "Narahat olma,
əzizim! Mən bu problemi həll
edərəm!". Yaxşı ər isə tam
əksinə hərəkət edəcək. O "Mən
də fikirləşdim nə olub. Qorxulu
heç nə yoxdur, siçandı da"
deyəcək. Yaxşı ər sizi
oğrulardan, pris qonşulardan,
kreditorlardan qorumağa
hazırdır, amma siçanla
mübarizə aparmağa heç
razılaşmaz.
Ola bilsin həyat yoldaşınız
masadan çörək qırıntılarını
təmizləyir, uşağı düzgün
geyindirir, siçanı sizə yaxın
buraxmır. Narahat olmayın. Bu,
o demək deyil ki, o, yaxşı ər
deyil. Buna qeyri-adi hal kimi
baxın.