Azerbaycanda bir neçe tanınmış aktyor işden çıxarılıb

İşden çıxarılanlar sırasında Ağaxan Salmanlı, Tariyel Qasımov, Letife Eliyeva ve Firengiz Şerifova da var

Azerbaycan Dövlet Genc Tamaşaçılar Teatrı ve Semed Vurğun adına Dövlet Rus Dram Teatrında 65 yaş heddi ile elaqedar aktyorlar teqaüde gönderilib. Azerbaycan Dövlet Genc Tamaşaçılar Teatrının direktoru Mübariz Hemidov APA-ya açıqlamasında bildirib ki, teatrda bu proses 70 yaşdan yuxarı aktyor ve işçi heyetine şamil olunub. Dövlet Genc Tamaşaçılar Teatrında ümumilikde 13 işçi teqaüde gönderilib. Bu sırada 8 nefer aktyor, digerleri ise texniki işçidir. Teqaüde gönderilenler arasında xalq artistleri Firengiz Şerifova, Solmaz Qurbanova, Tariyel Qasımov, Ağaxan Salmanlı, emekdar artistler Rafiq Hüseynov, Letife Eliyeva, Sona Babayeva, Nazim İbrahimov var.

M. Hemidov deyib ki, teatrda teqaüde gönderilen aktyorlar arasında yalnız Letife Eliyevanın yaşı 70-den aşağıdır. Teatr rehberi onların ştatdan çıxarıldıqlarını, teatrda müqavile esasında işe celb olunduqlarını deyib ve bu prosesin davamlı olacağını vurğulayıb.

Semed Vurğun adına Azerbaycan Dövlet Rus Dram Teatrında ise eyni sebebden 7 nefer ştatdan çıxarılıb. Onlardan 4 nefer aktyor, 3 nefer ise texniki işçidir. Teatrın direktoru Edalet Hacıyev APA-ya açıqlamasında bildirib ki, aktyorlardan aparıcı sehne ustaları Nelli Hesenova (1946), Zoya Qarçenko (1944), Lidiya Paverkina (1946), dram artisti Tkaç İosif (1939) ştatdan çıxarılıb. Teatr rehberi Tkaç İosifle müqavile esasında emekdaşlığın davam etdirildiyini deyib.