Anası ölmüşdü menim atamın,
Belini bir anda bükülü gördüm.
Gözünde yaş vardı, üzünde keder,
Men onda yetimlik nişanı gördüm.

Bilmedim ne edim, ne söyleyim ki,
Qelbini isidim anası kimi.
İstedim oxşayım, elim titredi,
Dedim oxşamaram anası kimi.

Nece gün üzüne baxa bilmedim
Qorxurdum, atamı deyişmiş görüm.
Çox şeyler düşündüm, deye bilmedim,
Çekindim o yetim könlüne deyim.

Anası ölmüşdü menim atamın,
Ele bir ana ki, tayı yox idi.
Yazmışdı, inleyle heyat anlamın,
Kitabı naxışlı xalçalarıydı.

Nenemin adını daşıyıram men,
İsterdim atamın anası olum.
Anasız ömrünün sehifesinden
Yol geden gününün varağı olum.

Bu gün "8 Mart" bayramıdır ana,
Biz seni ürekden tebrik edirik.
Atam gül alardı öz anasına,
Bu il ikimiz de alarıq sene!