hamısını diqqətlə öyrənib götür-qoy etmək lazımdır. Amma diqqətinizi cəmləmək o qədər də asan deyil: xeyli xırda-para iş yığılıb qalıb, üstəlik, onların hamısını həll etmək lazımdır.

Xərçəng - Bu gün xərcləriniz getdikcə artır. Bunların əksəriyyəti tələbatların artması ilə deyil, əsasən sizin çoxsaylı arzu və kaprizlərinizlə bağlıdır. Sonra bu qədər bədxərclik etdiyinizə görə peşman olacaqsınız. İstənilən ciddi məsələnin həllində kişilərlə məsləhətləşin, onlar ağıllı təklif verəcəklər.
Çalışın, öz işlərinizə diqqətinizi cəmləyəsiniz, başqalarının işini isə onlar özləri görərlər, qədərindən artıq canfəşanlıq etməyin. Yaxın adamlarınızın qeydinə qalın.

Şir - Bu gün publika qarşısında çıxışlardan çəkinin. Həmçinin rəhbərliyin və nüfuzlu adamların gözünə görünməməyə çalışın. Sizə elə gəlir ki, işlərin irəliləməsi üçün təşəbbüs göstərmək lazımdır, amma heç də belə deyil - sizin çabalamalarınız sizə yalnız ziyan gətirəcək.
Əvəzində gününüzü düşüncələrə, müstəqil intellektual fəaliyyətə həsr edə bilərsiniz. Elmi tədqiqatlarla məşğul olanların ağlına maraqlı ideyalar gələcək. Bu sahədən ümumiyyətlə kənarsınızsa, şəxsi münasibətləriniz barədə düşünün!

Qız - Yeni məqsədlər təyin edib, yeni işlərə başlamaq vaxtıdır. Bu günün ideyaları ayın sonunadək həyata keçəcək və sizə böyük gəlir gətirəcək. Ən ağıllı məsləhətləri qadınlar verəcəklər, odur ki, zərif cinsin nümayəndələrinə qulaq verin. Onların köməyilə işlərinizi sahmana sala, peşəkar mövqeyinizi möhkəmləndirə bilərsiniz. Pula bağlı işlərə aid qərarları isə özünüz verin.
Öz qiymətinizi qaldırmaq baxımından da yaxşı gündür. Ürəyinizə yatan üsulu seçin: ya psixoloqun qəbuluna gedin, ya gözəllik salonuna, imicinizi dəyişin, dostlarınıza ürəyinizi boşaldın, virtual «əjdahalara» qalib gəlin.

Tərəzi - Ünsiyyət, görüşlər, yeni insanlarla təmaslar üçün xoş gündür. Asanlıqla tanış olur, kiməsə bağlanır, rəğbət qazanır və ehtirasa qapılırsınız. Düzdür, ciddi münasibətlərdən söz gedə bilməz, amma əvəzində