Günün qoroskopu: Bəs köməkçiləriniz hanı?
Gün yorucu və mürəkkəbdir. Bu ərəfədə başlanılan maraqlı işləri yarımçıq qoymaq lazım gəlir. Çünki başqa, amma nə vacib, nə də maraqlı olan işlərə daha çox diqqət ayırmaq tələb olunur.
Eksperimentlərdən uzaq durun, yoxlanılmış üsullardan istifadə edin. Məsələlər nə qədər qəlizdirsə, köməkçilərinizin sayı bir o qədər az olacaq.
Yaxın insanların münasibətlərində soyuqluq hiss olunur. Amma ciddi narahatlığa əsas yoxdur, bu tendensiya keçicidir.

Qoç - Bəxtiniz gətirmir. Başladığınız işlər, gözlədiyinizin əksinə olaraq mürəkkəbləşir, bir çox vacib məsələlərin həlli qeyri-müəyyən müddətədək təxirə düşür. Rəhbərliklə fikir ayrılıqları mümkündür. Bəzi «bəxtiqara» Qoçlar isə iş yerlərini dəyişmək barədə fikirləşməli olacaqlar.
Yaxınlarınızla münasibətləriniz isə əladır. Evdə sizi anlayır və dəstəkləyirlər. Hətta yaxşı heç nə gözləmədiyiniz insanlar da bu gün gözlənilmədən sizin tərəfinizə keçəcəklər. Amma əslində, bu barədə bir qədər fikirləşsəniz, yaxşı olar: bu adamların niyyəti nədir?

Buğa - Bu gün dünənkindən fərqli olaraq elə də uğurlu deyil. İşgüzar aktivliyiniz azalır, hətta adi işlərinizi yerinə yetirmək sizə çətin gəlir. Yeni layihələr barədə isə heç danışmağa dəyməz. Həmkarlarınızla mübahisələr və fikir ayrılıqları yaranacaq və siz bunlara qədərindən artıq əsəb və həyəcan sərf edəcəksiniz. Sakit olmağa çalışın, həddən artıq əsəbi gərginlik səhhətinizə ciddi təsir edə bilər.
Köhnə dostlarınızla ünsiyyət üçün yaxşı gündür. Onlarla da mübahisələrdən qaçın: özünüzün haqlı olmağınıza sərf etdiyiniz gücü-qüvvəni başqa, daha faydalı bir işə yönəldə bilərsiniz.

Əkizlər - Enerjiniz bir qədər azdır, tez yorulursunuz. Odur ki, vacib və təcili işlərinizi günün birinci yarısına planlaşdırın. Görüşlər üçünsə axşam daha məsləhətlidir, bu dövrdə hətta sizi tanımaq belə istəməyən şəxslərlə dil tapıb razılığa gələ bilərsiniz.
Yaxınlarınızla fikir ayrılıqları mümkündür, ehtimal ki, dəyərsiz xırdalıqlara görə