Heç inanmamışdım sevgilim, həm də heç bir zaman inanmamışdım.. Məni özümə düşmən edib ürəyimin bir yarısını söküb alıb gedəcəyinə.. Məndən başqa hər kəs bilirdi halbuki, sənin günün birində məni yarı yolda buraxıb gedəcəyini.
 

 
Bu mərhəmətsiz dünyada bir mən vardım sənə inanan, güvənən, sevən və hər vaxt hər şərtdə dəstək olan. Amma sən, sənə inanmayanları haqqlı çıxardın və məni tərk etdin. Səninlə birlikdə qurduğum dünyanı yerlə bir edib getməyinə nə səbəb oldu bilmirəm.. Mən yalnız sənə aşiq deyildim sən mənim ən yaxşı dostum idin. Nələr edəcəksəm məsləhətləşərdik bir-birimizə, həyatımızı paylaşardıq. Ağlamaqdan qorxmazdım. Bilirdim ki ağladığımda sən yanımda olub göz yaşlarımı silərdin. Artıq ağlamıram belə. Səninlə bağlı hər xatirə ağrıdır ürəyimi..
 

 
Keçən gün marketdə sənin o çox sevdiyin acı bibərlərdən alacaqdım.. Birdən ağlıma gəldin və mən boğulacağımı sandım.. Nəfəs ala bilmədim. Ağlaya bilmədim.. Sənin sevdiyin heçbir yeməyi yemirəm, dinlədiyin heç bir mahnını dinləmirəm.. Bütün şəkillərimizi yandırdım.. Kimsənin sənin haqqında danışmasına icazə vermirəm. Və gündə bir paket siqaret çəkirəm. Həyatda ən nifrət etdiyin şeyi edirəm yəni. Artıq uzun illər yaşamanın çox mənası yoxdur elə deyilmi? Nə üçün yaşayacağam ki?!
 

 
Səninlə birlikdə xəyallarımı da itirdim mən. Tək qatlı bağçalı və bağçasında itləri olan bir evim olmayacaq artıq. Birlikdə olarkən yetişdirdiyimiz meyvələrimizi yetişdirməyi də öyrənə bilməyəcəyəm.. Salonumuzun tavanını da artıq bizim sevdiyimiz kimi bəzəyə bilməyəcəyik.. Sənə sürpriz edəcəkdim, yataq otağımızın divarlarını sənə yazdığım eşq məktublarıyla və ən gözəl şəkillərimizlə bəzəyəcəkdim. Bütün xəyallarıma, evimə, uşaqlarımıza, xoşbəxt gələcəyimizə əmin olduğum gələcəyimizlə vidalaşmaq asanmı olacaq sanırsan?!..
 

 
Səni axtarmıram deyə, bu dəfə arxanca gəlmədim deyə unutduğumu düşünmə!.. Hər zamankindən daha çox sevirəm səni.. Bu an bu saniyə uğrunda ölə biləcək qədər çox sevirəm.. Hirsim də eşqim də