Sənin qəlbimdə ki adın...Sadəcə adını bir anlıq düşündüyümdə ən gözəl xaliqələr sanki canlanır. Yanımda deyilsən, heç olmadında heç vaxt. Toxunmadım əllərinə, saçlarına, yanağına...qoxlamadım boynundakı o ətiri, sarılmadın qollarıma...lakin daha öncələr olmayan və duyulmayan hər şey səninlə var, sadəcə xəyalınla, sadəcə xəyalımdakı o tək rəsminlə Sevgilim...
 

 
Yanımda deyilsən, amma gözlərin, yanağın, sakit danışığın və xəfif gülümsəyişinin xatirəsi qəlbimi isidir hər gün. Hər zaman gülümsəyən yaşıl gözlərin...dalğalı saçların, o qədər gözəldilər ki, tam anlatmaq üçün sözlərdə çətinlik çəkirəm. O qədər acizəm ki, gözəlliyin qarşısında, ona görə rəsmini çəkməklə sənə necə valeh olduğumu bildirmək istədim Sevgilim...
 

 
Uşaq kimisən, gülüşün, danışığın, hərəkətlərin. Sanki böyüməmisən. Bir çiçək kimisən, amma hansının gözəlliyini sənin o uşaq gözəlliyinlə müqayisə etsəm hamısı kölgədə qalır. Bir dəniz kimisən, saçların da o dənizin dalğaları, baxdıqca götürüb aparır məni başqa diyarlara. Bir günəş kimisən, baxışlarınsa günəşin şüalarıdır, elə hey gözümü çəkmək istəmirəm, lakin parıltısını gördükdə gözüm yaşarır. Bir arzu kimizən, nə qədər qaçsam da arxanca o qədər də əlçatmazlaşırsan Sevgilim...
 

 
Rəsminə baxdım, bir sənə baxdım...qəlbimdə ki sənə. Simanın gözəl incə cizgilərini yaşatmaq istədim çəkdiyim şəkildə, o cəlb edici baxışlarını...çox mehriban görünürsən, və eyni anda o qədər dərindir ki baxışların, elə orada qalmaq istəyirəm. O baxışların mənim ürəyimi oxuyur hər zaman, hər mövzuda, hər məsələdə. Və bu düşüncələrin hər şeyi dəyişdi məndə, illərlə yaşadığım şeylərin hamısını, qat-qat artığını qısa bir zamanda yaşatdı mənə bu baxışların Sevgilim...
 

 
Hamıdan fərqlisən, arzu dolusan, daxilən o qədər gözəlsən ki, üzündədir o mələklik. Dodaqların...o qədər yaraşır ki sənə dodaqların. Ürəyin gülərkən gözlərinlə birgə dodağında gülümsəyir. Al yanaqlarında ki hər gülümsəyişində yaranan batıqlarına valehəm mən. Bəzən şən, bəzən mülayim,