Keçmişdə Bağdadda bir cavan oğlan karvansarada oturub öz işləri ilə məşğul idi.Birdən o, təsadüfən iki nəfərin söhbətini eşidir və başa düşür ki, danışanlardan biri ölüm mələyi-Əzraildir.Gənc, Əzrailin dediyi bu sözləri eşidir:"Qarşıdakı 3 həftə ərzində bu şəhərdə üç nəfəri ziyarət etməliyəm."Oğlan bunu eşidən kimi, nəfəs də almır ki,Əzrailin gözünə görünməsin.Əzrail oranı tərk edəndə, oğlan karvansaradan çıxıb, evinə qaçır.Özünə yer tapa bilməyən oğlanın canına qorxu düşür:"birdən o 3 nəfərdən biri mən olaram?"Çox düşünəndən sonra o, belə bir qərara gəlir:"Bağdadı tərk etsəm, Əzrail canımı ala bilməyəcək!"Oğlan ata minib, tələsik Bağdadı tərk edib,Səmərqəndə tərəf gedir.O, gecə-gündüz belə dayanmayıb, nəhayət Səmərqəndə yetişir.Bu vaxt Əzrail oğlanın ustadı ilə görüşüb ondan soruşur:"Bəs sizin tələbəniz haradadır?".Ustadı deyir:"Tələbəm buralardadır, yəqin ki,karvansarada öz mənəvi halını yüksəltməklə məşğuldur".Əzrail təəccüblə deyir:"Qəribədir, çox qəribədir!Çünki, mənim can almalı olduğum adamların siyahısında sizin tələbəniz də var.Və burda qeyd olunub ki, mən onun canını 4 həftədən sonra heç yerdə deyil, məhz Səmərqənddə alacağam."
Həqiqətən də ölümdən heç yerə qaçmaq olmaz.Ölümü hər kəs dadacaq!