Məni bu dünyaya sən gətirdin
Nə qədər vaxtını bizə itirdin
Çətin günümdə özünü yetirdin
Bütün əziyyətinə qurbanam, Ata!

Uşaqlıq illəri düşəndə yada
Necə şirin olur övlada ata
Bir çətinliklə qarşılaşanda
Dağ tək arxamda dayanıb,Ata!

Oğul-qız böyüdüb başa gətirmək
Onların dərdini öz dərdin bilmək
Bildim ata olmaq çətinmiş demək
Bütün dərdlərinə qurbanam, Ata!

Halal et zəhmətini ay ata mənə
Mən də halal edim sənin nəvənə
Bax belə borcumu qaytarım sənə
Halallıq alım mən səndən,.Ata!

Bütün övladlara arxa olan sən
Yaşasın adınla həmişə vətən
Dahilər,şairlər elə yetirən
Şəhriyarlı üçün vətəndir Ata!

Oqtay Şəhriyarlı