Üzündə dərd və üzüntü aydın sezilən uşaq mətbəxə keçəndə nənəsi tort hazırlayırdı.Nəvəsinin halını hiss edən nənə qısa suallarla onun fikirlərini öyrənə bildi.Uşağa görə problemləri başdan aşırdı.Məktəb,ata-anası,dostları,hava,daha nələr-nələr...Nənəsi ondan tort istəyib-istəmədiyini soruşur. “Hə” - cavabını alınca nənəsi ona bir tikə marqarin yağı verərək, “Al” – dedi.Nəvəsi “Eeh” deyincə:
- “Yaxşı,iki çiy yumurta olsun,” – dedi nənəsi.
- Yumurtanı neyləyirəm?
- Onda bir az un,ya da bir az maya tozu.
- Nənə,bunlar nə tortdu,nə də çiy-çiy yeyilir.
Sözün tam yeri gəldiyini görən nənəsi:
- Düz deyirsən,onlar nə ayrı-ayrılıqda yeyil bilər,nə də tortdu,amma bunları uyğun bir şəkildə bir yerə yığıb bişirsən,ləzzətli bir tort alınar, - deyərkən nəvəsi onun nə demək istədiyini fikirləşdi.Nənəsi davam etdi:
- Əziz balam,bizi Yaradan da bizimlə belə davranır.Çox vaxt başımıza gələn bəlaların “niyə”si bizi maraqlandırır.Halbuki Allah hər şeyi nizamla yaradıb.Əvvəl nizamsız kimi görünən işlərin sonunda gözəl bir nizam ortaya çıxır.Eynən bu nizamsız şeylərdə bir tortun əmələ gəlməsi kimi.
“Yəni?” deyə işıldayan gözlərlə ona baxan nəvəsinə bir dilim tort verən nənə sözlərini belə bitirdi:
- Yəni bizim üzərimizə düşən Ona güvənmək və bizi hədsiz dərəcədə sevdiyini unutmamaqdır.Hər bahar bizə minlərlə çiçəyi hədiyə göndərdiyini və hər neməti ilə bizə olan sevgisini bildirdiyini unutmamaqdır.Səni narahat edən məsələlər də Onunla danışmağın,dua etməyin üçün bir fürsətdir.O həmişə səni dinləyir,rəhmət və sevgisinə bürümək üçün səni gözləyir.Bax onda başına gələnlərin bir dilim torta döndüyünü görəcəksən.
Xoşbəxtlik yollarında atılan ən mühüm addımlardan biri iradənizdən asılı olmayan şeylərə görə üzülməməkdir.