Həmd Allaha məxsusdur. O, Allah ki, gözəl sənəti ilə bütün işləri çəkib-çevirdi. Hər şeyi yerli-yerinə qoydu və hər şeyin surətini ən gözəl bir surətdə yaratdı. Yaratdıqları arasında insan surətini ən gözəl bir qəlip və qiyafətdə süslədi.

Onu qorxudub, çəkindirməklə, əxlaqını gözəlləşdirməyə təşviq etdi. Lakin zaman-zaman düz yolda, əxlaqda olanları da oldu, olmayanları da. Müasir qloballaşan dünyada gənclərimizin, bütövlükdə insanların hikmətli yola yönəldilməsinin əhəmiyyəti daha da artır. Bir ayəti-kərimədə buyurulur: Sən öyüt ver, çünki, öyüt möminlərə fayda verir. (Zariyat 55)
Xalq alimdən, alim isə hikmət sahibindən tərbiyə alar. İnsanın şərəfi, üstünlüyü, iman və mərifət ilədir. Mal və məqam ilə deyildir.
Bədəni xəstəliklər kimi ruhi və könülə aid olan xəstəliklər də müalicə olunmalıdır. Ədəb və əxlaq imanın başıdır. Faydalı elmə sahib olmayan bir şəxs dərin hüquq təhsili gördükdən sonra haqq və ədaləti qorumalı olduğu halda, bir cəllad ola bilər. Faydalı elmə sahib olmayan tibb təhsili almış bir şəxs insanlara şəfa verəcəyi halda bir insan qəssabına çevrilə bilər. Elmi qabiliyyətinə baxmayaraq mərhəmət və məhəbbətdən məhrum olan bir rəhbər işçi insanlara şərbət deyil, zəhər içirər. Verilən təhsilin ilk dərsi incitməmək, son dərsi də incitməmək olmalıdır.

Vücudun qidası yemək-içmək olduğu kimi, qəlbin qidası da elm və hikmətdir.

İnsanlar yuxudadırlar, ölüncə oyanırlar.

Elm kasıblıq, zamanında sərvət, zənginlik zamanında isə zinətdir.

Y alim, ya tələbə, ya dinləyici ol, çünki, bunların xaricində qalsan, həlak olarsan.

Elm dostlar yanında vəzir, yabancılara yaxınlıqdır.

Elmin nəticəsi əbədi səadətdir.

İmanı zəif kimsələr vasitələrə baxar