almaq, mən isə ona görə indi magistram. Əslində belə şeylərə həvəsim yox idi, bütün bunları ona görə edirəm, o edə bilmədiyi üçün edirəm. Yetər ki, onun ruhu şad olsun...Bütün arzularımı onunla bərabər qurmuşdum, hər şeyi birgə edəcəkdik. İndi isə gələcəyim haqqında heç nə fikirləşmirəm, hər şey boşluqdur. Mən də sadəcə bu həyatda rol oynayıram.”

Savalan öləndən sonra həyatım sıfırdan başladı
Savalansız ona hər şey çətindir, çünki qardaşı həm də onun ən yaxın dostu idi. İndi Nərminə evin həm oğludur, həm də qızı. Bütün işlərini Savalanın həll etdiyini deyən Nərminə, hətta Savalan dərsə getməyəndə, ozünün də getmədiyini deyir, Savalan gecikəndə isə o da gecikirmiş.. Hazırkı vəziyyətinin Nərminə üçün çox pis olduğunu, ata-anasına həyatda qalmaları üçün dəstək verdiyini, onlara bu itki ilə barışmaqlarına kömək etdiyini bildirir: “Qardaşım öləndə atama bir şey olacağından çox qorxurdum. O nəslin ən böyük oğlu idi..İndi də atam bir yerə gedib gec gələndə elə bilirəm ki, atama nəsə olub. Mənim vəziyyətim ona görə çətindir ki, məcburam anam və atama həyatda qalmaları üçün dəstək olum, ruh yüksəkliyi verim.Savalanla aramızda bacı-qardaş sərhədi yox idi. Bütün sirlərimi oan deyirdim. Mənim dostum idi. Biz o qədər yaxın idik ki, eyni universitetdə və eyni korpuda təhsil aldığımız üçün tutaq ki, 4-cü mərtəbədə işim olurdu, heç qalxmırdım Savalan işlərimi həll edirdi. Bütün günü gözüm onu axtarırdı, baxım Savalan nə edir. Heç danışmasaq da, baxıb bir-birimizə gülürdük. O, öləndən sonra mənim həyatım sıfırdan başladı”.

30 aprel günü saat 1-ə qədər Cəfər Cabbarlı heykəlinin qarşısında Savalanı gözləmişəm
ADNA isə bu gün adından tutmuş hər şeyinə qədər ona qardaşını xatırladır. O isə dimdik duraraq magistratura təhsili üçün də məhz Neft Akademiyasını seçdi, təkcə həmin korpusda dərslərinin olmadığına sevinir. 30 aprel hadisəsindən 7 gün sonra dərsə gedən Nərminə nələr yaşadığını belə anladır: “O gündən sonra ilk dəfə dərsə gedəndə vahimə məni basdı. Nə qədər edirdim