. Mən oğlanın edə biləcəyi işi belə edirəm ki, fikirləşməsin ki, oğlu yoxdur.





Savalan ön cəbhədə əsgər olmaq istəyirdi
Savalanın yarımçıq qalan arzularına gəlincə isə Nərminə xaricdə təhsil almaq istədiklərini deyir: “Biz ikimizdə xaricdə təhsil almaq istəyirdik. O məndən tez qurtarırdı, əsgərliyə gedib gələcəkdi və Norveçə gedəcəkdik. Həmişə deyirdi ki, sən çalış ora get, qalan şeylər mənlikdir. O öləndən sonra istədim hazırlaşım, amma mən də getsəm ailəm tək qalırdı...Savalan istəyirdi ön cəbhədə əsgər olsun, deyirdi anama çətin olacaq, amma gedəcəyəm.
Mənə indi dərs deyən müəllimlərin çoxu bilmir ki, mən Savalanın bacısıyam. Özüm demirəm ki, elə biləcəklər onun adından istifadə edirəm”.


Anam mənə dedi ki, sənə görə qardaşın ölüb
Anasının uzun müddət məlum hadisəyə görə ondan incidiyini deyən Nərminə buna görə çox pis olduğunu deyir: “Anam yası çox saxlayandır, deyirəm mama bir az durmaq lazımdır. Bundan çıxmalısan.Təsəvvür edin anam iki ildir evdən çölə çıxmırdı, təzə-təzə evdən çölə çıxır. İndinin özündə də anamı hələ də düzəldə bilməmişəm... Hətta bəzən dediklərim anamın xətrinə dəyir. Çünki uzun müddət qardaşıma görə məndən incimişdi, mən də ondan incidim. Axı mən də övladıyam. Başa düşdüm ki, Savalana zəng vurduğuma görədir bütün bunlar. İndi də mənə əsəbləşəndə elə bilirəm ki, hələ ürəyində qalıb ki, oğlumun ölümündə qızımın günahı var. Anam mənə dedi ki, sən eləmisən, sənin günahın var, sənə görə qardaşın ölüb. Əsas məni depresiyaya salan da bu sözlər oldu. Atam isə deyirdi ki, şükür olsun ki, qızım sağ qalıb. O sözlər məni çox incitdi. Sonra qohumlar, qonşular anama deyirdilər ki, belə etmə qızına da sonra bir şey olar. Görmürsən vəziyyəti yaxşı deyil. Yaşamaq, əlbəttə, lazımdır. Mən anamın özünə də deyirəm, mən də oturum ağlayım, səndə otur ağla, bizim axırımzı hara gedir. Onlar heç nə etmirlər ki, onsuzda Savalan yoxdur. Evdə gərək biri ailəni ayaqüstə saxlamağı bacarsın. Vəziyyət isə çox çətindir”.

Savalan Cabbarovun məzar