“30 aprel günü elə bilirdik ki, küçə itlərini vururlar. Bizdə dedik ki, günün günorta çağı iti vurmaq olar, amma hardan biləydik ki, günün günorta çağı nəinki iti, elə insanı da vurmaq olar”
Bu gün o günün 3-cü ildönümüdür və bu gün yenə o günə qayıdacağıq. Söhbətin Azərbaycan Dövlət Neft Akademiyasında (ADNA) baş verən qanlı terror hadisəsindən və günahsız şəxslərin ölümündən getdiyi, yəqin, hamıya aydın oldu. Həmin gün mən ikinci kursda oxuyan bir tələbə kimi bu acını hiss edib həmyaşıdlarımın acısını özümünküləşdirməyə çalışırdım. Bu gün isə o acının, kədərin içində olan bir şəxsi danışdıracağam. Qarşımda oturan bu gənc qızın bütün arzuları da elə o gün puç oldu. Çünki o bütün arzularını onunla bərabər qurmuşdu, hər şeyi onunla bərabər edəcəkdi...


7 güllənin qurbanı
Niyəsə birinci onlara getmək istəyirdim, amma o, istəmədi. Valideynləri üçün həmin günə bir də qayıdaraq eyni hisləri yenidən yaşamağın çətin olduğunu dedi və biz də razılaşdıq. Yadımdadır həmin gün həlak olan bütün tələbə yoldaşlarımızın ölümünə çox üzülmüşdük, amma mən bu gün onlardan birini seçdim və ondan danışacağam. Çünki onun ölümü digərlərindən fərqlidir. Onu ölümə isə bir zəng səslədi... Xülasə, “Qafqazinfo”nun bugünkü qəhrəmanı ADNA-dakı terror zamanı 7 güllə ilə həlak olan Savalan Cabbaravun bacısı Nərminə Cabbarovadır.




Elə bir an yoxdur ki, Savalanı xatırlamayaq
Aradan 3 il keçsə də Nərminə həyatlarında heç nəyin dəyişmədiyini deyir: “3 il asan gəlir, keçdi, getdi. Amma 3 ili biz sözün əsl mənasında faciə ilə keçirtmişik. Ürəkdən hələ bu günə kimi gülməmişik. Sadəcə həyatda formal olaraq yaşayırıq, çünki yaşamalıyıq. Amma nə ürəklə yaşayırıq, nə də məqsədimiz var. Biz hər səhər eyni hadisəylə durub, eyni hadisəylə də yatırıq. Elə bir an yoxdur ki, Savalanı xatırlamayaq. Çox ağır itkidir, artıq o yoxdur. İstəyirəm ki, yarımçıq qalan arzularını yerinə yetirim. Ona qismət olmadı ADNA-nı qırmızı diplomla qurtarmaq, özüm qırmızı diplom aldım. Ona qismət olmadı magistr təhsili