Ay arvad kimi deyinən,
Kül qoyum oğul başına.
Əyninə yubka geyinən,
… Kül qoyum oğul başına.

… Qız tək əllənir bədənin,
Ayaq altda düşüb mənin,
Nazın yerə sığmır sənin,
Kül qoyum oğul başına.

Baxmırsan gözəl canana,
Qaxınc olmusan anana,
Göz-qaş edirsən oğlana,
Kül qoyum oğul başına.

Əl gəzdirirsən özünə,
Sürmə çəkirsən gözünə,
Pudra yaxırsan üzünə,
Kül qoyum oğul başına.

Yerişin aldadır çoxun,
Yüz metirdən gəlir duxun,
Hər gün anılır varyoxun,
Kül qoyum oğul başına.

Şişirtmisən dodağını,
Laklamısan dırnağını,
Deşdirmisən qulağını,
Kül qoyum oğul başına.

Qəm çəkir şair ilhamı,
Əridir bu yazıq şamı,
Bir ağızdan deyir hamı,
Kül qoyum oğul başına.