Bayezid Bestami həzrətləri bir gün dəlixananın qarşısından keçir. Dəlixana xidmətcisinin toxmaqla bir şey döydüyünü görür:
- Nə edirsən?
Xidmətçi:
- Bura dəlixanadır. Dəlilərə dərman hazırlayıram.
- Mənim xəstəliyimə də bir dərman tövsiyə edərsənmi?
- Xəstəliyini söylə.
- Mənim xəstəliyim günah xəstəliyidir... Çox günah işləyirəm..
- Mən günah xəstəliyindən anlamam... Mən dəlilərə dərman hazırlayıram..
Barmaqlığının arasından danışılanları eşidən bir dəli, Bayezid Bestami həzrətlərinə:
- Gəl baba, gəl! Sənin xəstəliyinin çarəsini mən söyləyim, deyə səsləndi.
Bayezid Bestami həzrətləri, dəlinin yanına gələrək:
- De görək, mənim dərdimə çarə nədir? dedi.
Dəli bu dərmanı tövsiyə etdi:
- Tövbə kökü ilə istiğfar yarpağını qarışdır... Ürək havanında tövhid toxmağı ilə döy, insaf ələyindən keçir, göz yaşıyla yoğur, eşq sobasında bişir... Axşam-səhər bol miqdarda ye... O zaman görəcəksən sənin xəstəliyindən əsər qalmaz, dedi.
Bu gözəl dərmanı öyrənən Bayezid həzrətləri:
- Ey fani dünya ey! Demək, səni də dəli deyə bura gətirmişlər, deyib oradan ayrıldı.
Bu dərman, hələ də günah xəstəsi olanlara tövsiyə olunmağa dəyər bir dərmandır. Yəni bu düsturun hökmü hələ davam etməkdədir..