Türkiyənin “Kanal D” televiziyasında nümayiş olunan “Öyle bir geçer zaman ki...” serialında baş rollardan birini canlandıran almaniyalı aktrisa Vilma Elles (Karolin) Türkiyəni tərk etmək məcburiyyətində qala bilər.Vilma Elles Türkiyədə qalmaq müddətinin uzadılması ilə bağlı İstanbul Polis İdarəsinə gedən zaman ondan Türkiyədə yaşamasına icazə verən sənəd istənilib. Ancaq o, sənədi tapa bilməyib. Sənədin hər zaman çantasında olduğunu söyləyən Vilma Elles sənədin oğurlanmış, ya da itirmiş ola biləcəyini söyləyib. Vilma Elles bundan sonra sənədin itməsi ilə bağlı polisə rəsmi müraciət edib. O, müraciətində Türkiyədə bir teleserialda oynadığını və ölkədə yaşamaq üçün icazə aldığını yazıb.