müstəqil fəaliyyətə keçmək olar.
Bu günə istənilən görüş təyin edə bilərsiniz. Həm dostlarla, həm iş ortaqlarınızla, həm də sevgilinizlə görüşləriniz əla olacaq. Çox cazibədarsınız, bu isə istənilən məsələnin həllində sizə əla kömək edir. Günün ikinci yarısı əlinizə pul gələcək.

Xərçəng - Sanki həftənin «ekvator»unda dayanmısınız - pis və yaxşı günlərin arasında. Hələlik tələsməyin: sonrakı günlər daha uğurlu olduğundan planlarınızın reallaşdırılmasını bu gün təxirə salın. Sizi yormayan işlərlə məşğul olun. Dostlarınızla ünsiyyət qurun, yeni insanlarla tanış olun. Bunlar sizə faydalı olacaq.
Təhsil almaq üçün yaxşı gündür, yeni məlumatları dərhal beyninizə yazırsınız. Bir çox Xərçənglər bu gün özlərində yeni istedadlar aşkarlayacaqlar.

Şir - Çətin gündür: asan qələbələrə və uğura ümid etməyin. Bədxahlarınız əllərini əllərinin üstünə qoyub oturmur, sizin üçün yeni-yeni tələlər qurur, üstəlik, sizi münaqişəyə cəlb etməyə çalışırlar. Dostlarınızdan isə xəbər-ətər yoxdur. Bəzən kömək üçün onlara iki-üç dəfə ağız açmalı olursunuz.
Ailə üzvləri ilə münaqişələr mümkündür. Ev işlərinə nə qədər çox diqqət ayırırsınızsa, bir o qədər çox kədərlənirsiniz - sən demə, sizdən başqa, evin problemlərilə maraqlanan yoxdur. Günün sonu səhhətiniz pisləşə bilər.

Qız - Daha bir mürəkkəb gün. Rəqiblərinizin gücü sizdən qat-qat çoxdur. Onları üstələməkdən ötrü dəridən-qabıqdan çıxır, əldən düşürsünüz. Qalib gəlmək üçün şansınız çox az olsa da, təslim olmayın, bugünkü inadınız çox işinizə yarayacaq.
Yeni işlərə başlamaq məsləhət deyil. Təzə tanışlarınızla da ehtiyatlı olun. Hamıya inanırsınız. Bu səbəbdən maliyyə itkiləriniz ola bilər. Həmçinin düşünülməmiş hərəkətlərə yol verə bilərsiniz.

Tərəzi - Bir qədər də dözün - çox tezliklə həyatınız asanlaşacaq. İşdə qarışıqlıq yaranması mümkündür. Sizə elə gəlir ki, rəhbərlik üzərinizə çox yük qoyur. Karyera və maaşın artırılması ilə bağlı məsələlər qaldırmaq zamanı deyil.
Yaxınlarınızla da aranız tez-tez dəyir.