*Bir seher oyanasan ve göresen ki, buludlar rengini deyişib. Seher yemeyini yeyib liftin düymesini basıb giresen içeri ve göresen ki, qoca bir qadın dayanıb, amma, ne gileylenir, ne de yorğundu. Salamlaşıb keçesen...

*Tıxacsız yollarda gedesen, deqiq dayanacaqlarda saxlayalar avtobuslar. Qızların tebessümlerinin işıqforunda düşesen tıxaca, dayanıb saatlarla baxasan. Ve anlayasan ki, qırmızı rengden de başqa rengler insanı yolundan eleye bilir…

*Sonra o qız el eleye, sağollaşa, sene heyatın yaşıl işığını yandıra. İşe gedib hirslenmeden adamların üzünün saflığında çimesen, daha metrolardan ter iyi gelmeye. Sen avtobusu, adamlar seni minmeye.

*Günorta pencereden yere baxasan, göresen ki, elini ağzına salan uşaq bilmeden barmağını dişledi. Dünyadakı bütün hereketlerin bu qeder tebii olacağına inanasan. Ağlayan uşağın yanağından süzülen yaş, böyük bir prospektin tozunu yatıra.

*Gözünü yumub özün haqda yox, başqaları haqqında düşünesen. İnsan özü haqda o zaman çox düşünür ki, öz derdi çoxalaraq onun başqalarına baxan gözünü bağlayır. Sonra yuxu tuta seni, yuxunda baxçanın heyetinde oynayan uşaqları görsen. Amma, yuxuları yozmayasan seher-seher.

*Oyuncaq dükanlarını uşaqlara bağışlayalar. Ya da, uşaq vaxtı oyuncaq almağa pulu olmayan qocalara.

*Qocaların en çox getdiyi yer eczaxanalar, en çox danışdıqları mövzu derman preparatları olmaya.

*Qapıların kandarından tebessüm asalar. İnsanlar ancaq ürekleri isteyende güleler. Varlılar üçün ayrı, kasıblar üçün ayrı maska taxmaya insanlar.

*Papiros ve zavod tüstüleri küsüb gedeler şeherden.

*Gözel qızların çantalarından gözel kitablar çıxa.

*“Buyurun”, “Çox yaxşı”, “Men de memnunam”, “Allah kömeyiniz olsun” sözleri gün erzinde en çox işlenen kelmeler ola.

*Baltalar ağacları yox, kin-küdureti doğraya...

*Televizoru açasan ve eşidesen ki, İraqda 300 uşaq doğulub. Çeçenler silah yox, şenlik fişengi atırlar.

Bes Siz bir seher gözünüzü açdıqda neyin deyişdiyini görmek isterdiniz?.