Anam deyərdi ki: "Tərli-tərli su içmə "
Var gücümlə əsdəbiləşərdim ona
Oyunun ən şirin yerində
Bu müdaxilə nəyə lazım?
Xəstələnincə anlardım ki!
Anam haqlıymış..

Anam deyərdi ki: "Əsla gecikmə"
Narahat olarmış sonra
Var gücümlə əsəbiləşərdim ona
Gedənin dönməsini gözləyərkən anladım ki!
Anam haqlıymış..

Anam deyərdi ki: "Otağını dağıtma"
Var gücümlə qarşı çıxardım ona
Otağı yığışdırmağı təxirə saldıqca,
Həyatımı dağıtdığım anlarımda anladım ki!
Anam haqlıymış..

Anam deyərdi ki: "Hirsində kasıb ol, sevgində
zəngin"
Var gücümlə əhəmiyyət verməzdim baxışlarımla,
Qırdığım ürəkləri bərpa edə bilmədiyimdə anladım
ki!
Anam haqlıymış..

Anam deyərdi ki: "Tək özün üçün yaşama"
Yoxsa həyatının adı eqoizm olar
Heç kim sevməzmiş məni sonra,
Var gücümlə gülərdim bu sözünə
Yalnızlıq ən yaxın dostum olunca anladım ki!
Anam haqlıymış..

Anam deyərdi ki: "Təbii ol, süni olma"
Var gücümlə ağız büzərdim ona
Şablon həyatımın mənasızlığını duyub
Rollarımı səhv salmağa başlayınca anladım ki!
Anam haqlıymış..

Anam deyərdi ki: "Gəncliyinin qiymətini bil, geri
gəlməz bir daha"
Var gücümlə narazı davranardım ona
Üzümdəki xəttlər
Saçımdakı ağlar qələbə qazandıqca anladım ki!
Anam haqlıymış..

Anam deyərdi ki: "Bir arzu tut, gerçək olana qədər
çalış"
Var gücümlə söyləmək asan, etməsi çətin
deyərdim ona
Həyatımın hesabatını verməyə başlayıb
Ard-arda edə bilmədiklərim yadıma düşdükcə
anladım ki!
Anam haqlıymış..

Anam deyərdi ki: "Bu sözlərimi istifadə et, çölə
atma"
İndi…
Var gücümlə təşəkkür edirəm ona
Çünki…
Mən də bir ana olacam.
Mənə miras qalan bu cümlələri sərf edərkən
biləcəm ki !
Mən haqlıyam...