Elliot Vaynberqerin essesini təqdim edir.
Qusma

Kafka gündəliyində ancaq kədərdən yazır, o gün ərzində beş dəfə əlini yuyurdu. Ancaq o, MTV əsrindən əvvəl yaşamışdı. İndi darıxanlar, kədərlənənlər, məyus olanlar, canından bezənlər sıxıntılarının keçməsi üçün televizor qarşısında oturub sonsuz çeşidləri olan verilişlərilə, cəlbedici, parlaq obrazlarla dolu səhnələrilə, yuxulardakından belə maraqlı surətlərlə dolu kanalları seyr edirlər (belə halda kim yatar?).

Dünənin inqilabı bu günün dizayn elementinə çevrilib: MTV işıq surəti və transmilli korparasiyaların büdcəsinə bərabər büdcəsi ilə əsl “Əndalus köpəyi”nə bənzəyir. Yalnız və yalnız sıxıntıdan, həm də yuyulmuş əllərimlə keçən həftə mən iki dəfə MTV-yə baxdım və hər ikisində də qırıq-qırıq yuxular görmək əvəzinə, sonu gəlməyən verilişlərlə qarşılaşdığım üçün məyyus oldum. İlk baxdığım bəsit gözəlçənin hüquqşünas qadın rolunda oynadığı komik teleşou idi. Budur o uzun parıltılı, masanın ətrafında, rəsmi geyimli, hər iki cinsdən olan iş adamlarının oturduğu iclas zalına daxil olur. O oturub yerini rahatlayan kimi qusmağa başlayır, ancaq elə uzun müddət və çox qusur ki, qusuntu bütün stolu bürüyür. Onun əməkdaşları isə heç nə olmamış kimi, əlləri ilə bahalı restoranda yeyilmiş yeməyin qusuntusu içərisindən yemək parçalarını seçirlər. Bundan sonra mən baxmağa davam etmədim.

Bir neçə gün sonra mən daha bir cəhd elədim. Bu dəfə isə, bu ilki MTV Awards-ın (mükafat) təqdimetmə mərasimini göstərirdilər. Mərasimdə nə vaxtsa rok-n-rolun ayrılmaz hissəsi, mikrofonu və səsucaldanı rolunu oynayan seks, rəqs və şənlik çatışmırdı. Əsas mövzu fanilik idi, bütün zarafatlar ona yönəlmişdi ki, bu ilin təltif edilən ulduzları bir il əvvəl heç kim tərəfindən tanınmırdı və bir il sonra yəqin ki, unudulub gedəcəklər. Mühümlüyünə görə ikinci mövzu orqazm hissinin cürəbcür ifadəsi oldu. Pop qruplarından birinin üzvünü unitazda oturmuş vəziyyətdə göstərdilər. Ürək bulandıran zarafatlar bitib-tükənmək bilmirdi. Tezliklə mən