dərinə işləyən sıx otluq basmışdı, dörd at birağızlı xışı güclə çəkib apara bilirdi.

Dördüncü il çayırlığın alağını elədilər, bütün bataqlıq bitkilərini, kökündən qazıyıb çıxardılar, acılı otları seyrəltdilər.

Jmıx bütün kəndi ayaqda saxlayır, ərincəklik eləməyə qoymurdu-özü də bu ağır işdən nə yorulur, nə də üzülürdü. Bax burda deyirlər a,–ürəklə görülən iş insanın sağlamlığına yarayır.
Beşinci il acılı otların kökünü büsbütün kəsmək üçün, bütün çayırlığa yonca əkdilər.

- Çox bilgin kişiymiş, - Jmıxı öyməkdə qojevlilərin dilləri ağızlarına sığımırdı. - Bax bir, bütün Qojev kəndini yemçiliklə dolandırmağa başlayıb.

- Bilgin adam gərək özünü uşaq yerinə qoymasın! - Jmıx onlara sarı altdan-altdan baxıb qımışırdı.

Qojevlilər yoncanı biçib satdılar-əkinin bir hektarından ikiyüz manat pul qazandılar.

- Bax buna deyərəm işləmək! - kəndçilərin sevincdən əlləri çalıb, ayaqları oynayırdı.- Ölmə-diril yaşamaq qurtardı, indən belə gen-bol yeməyimiz olacaq!

- Bu yaşa çatmıısınız, ancaq yenə uşaq təki danışırsınız,- Jmıx onların üstünə kükrədi.- Biz ancaq öz qarnımızı doyurmaq üçünmü çalışırıq? Sizin anlağınıza görə sovet hakimiyyəti, bunumu istəyir? Biz gərək ancaq özümüzü dolandırmağı düşünməyək, bu Yer üzündə hamının tox yaşaya bilməsi üçün əlləşib-vuruşaq.

- Bunu necə anlayaq, ay Jmıx? Bizim qazancımız öz torpağımızdan çıxırsa, onu gedib başqa yerdəmi axtarmalıyıq? - deyə bataqlıqdan götürdükləri qazancdan qarınları doymuş qojevlilər deyinməyə başladılar.

- Yerin dərin qatlarına enmək gərəkdir, - Jmıx dedi. - Oradakı qazanc, yerin üstündə olandan qat-qat çoxdur. Ola bilsin ayağımızın altında dəmir filiizi yatır, hansısa çox dəyərli minerallar vardır, bizsə onu ayaqlayıb üstündən keçirik. Torpağı qazıyıb, Yerin altını öyrənmədikcə-yüzilləri boş-boşuna yelə sovururuq. Bu gün durub-dayanmaq çağı deyil, indən belə böyük qazanclar götürəcəyimiz işlərə başlamalıyıq.

*”Çayırlıq Uzmanları” - dilimizdə “Çəmənlik ustaları”