yetişdirir. Uşağın cəmiyyətlə tanışlığında ilk vasitəçi də anadır. Məhz ailə və cəmiyyətlə davranış normalarını da, fikir mübadiləsini də uşaq anadan öyrənir. Bütün bunlarda müvəffəqiyyət əldə etmək isə düzgün həyata keçirilmiş təlim-tərbiyədən asılıdır. Bu işdə isə əlbəttə ki, ananın təhsilli olması ən vacib amillərdən biridir. Qadın istər bir ana, istərsə də cəmiyyətin bir nümayəndəsi kimi milli və dini mədəniyyəti uşaqlara ötürür. Təbii ki, ananın maariflənməsi, elmi mütaliəsi sayəsində uşaqlar bunları qazanırlar. Eyni zamanda bunun sayəsində gələcəkdə onların qarşılaşa biləcəyi çətinlikləri özləri həll etmə bacarığına qadır olurlar.

Qadınların təhsilli olmasının ölkə, millətin gələcəyi üçün nə dərəcədə vacib olduğunu böyük xeyriyyəçimiz HacıZeynalabdin Tağıyev bu cür ifadə edirdi: “Anaları savadsız olan millətin gözü kordur”. Hər bir vətəndaşın ilk tərbiyəsi ananın adı ilə bağlıdır. Dövlətimiz, cəmiyyətimiz gələcək nəsillərin əlində olduğu üçün ölkənin, cəmiyyətin gələcək taleyi də məhz qadının təhsilli olmasından çox asılıdır. Deməli, qadınların savadlı olması, inkişafı millətin inkişafı deməkdir. Belə ki, qadın nə qədər savadlı olsa, elmi təhsili mükəmməl olsa bir o qədər tərbiyəli övlad yetişdirə bilər. Nəticədə isə ölkənin gələcəyi etibarlı əllərdə