Qadının yetişdirdiyi uşağın cəmiyyətin həyatında hansı mövqeyi qazanması, dövlətimizin inkişafında necə iştirak etməsi ailənin, ən əsas da qadının – ananın onu necə tərbiyə etməsindən çox asılıdır. Uşaqların təlim-tərbiyəsində ananın oynadığı rol danılmazdır. Ana bu baxımdan rəhbərlik və bələdçilik məsuliyyəti daşıyır. O, övladını aydın düşünməyə, saf əqidəyə və düzgün ədəb-ərkana yiyələndirir. Aydındır ki, bütün bu ağır məsuliyyətin öhdəsindən gəlmək üçün ilk növbədə ana özü təhsilli olmalı, maariflənməlidir. Buna görə də ölkədə təhsil sahəsində gender bərabərliyinin təmin olunmasına çalışmaq lazımdır, daha çox qızların təhsil almasına şərait yaratmaq lazımdır. Hər şeydən əvvəl, qeyd edək ki, Şərqdə ilk dəfə kişi ilə qadının hüquq bərabərliyi,bərabər təhsil alması məhz “Qurani-Kərim”də bəyan edilmişdir. İslam dininin müqəddəs kitabı “Qurani-Kərim”də qadın, onun hüquqları, ananın müqəddəsliyi, cəmiyyətdə əvəzolunmaz rolu məsələləri geniş əks olunmuşdur. “Qurani-Kərim”dəki ehkamlar kişi ilə birgə qadını da Allah bəndəsi sayır və bütövlükdə ilahi öhdəliklərin hər iki cinsə aid olması göstərilərək, kişi və qadın kimi onlara qoşa müraciət edilir. Bundan başqa, bu müqəddəs kitabda cins fərqi qoyulmadan, hər bir kəsin təhsil almasını ən birinci sırada tutur.

Belə ki, Məhəmməd Peyğəmbər (s.ə.s.) buyurmuşdur ki, “Elmi beşikdən qəbrədək öyrənin”, “Bilmədiyinizi soruşun”, “Bir saat elm öyrənmək 60 il nafilə ibadətdən üstündür”, “Elm öyrənin, çünki elm sahibi yaxşını pisdən seçməyi bacarır”.

Bütün bu müdrik fikirlər təbii ki, yalnız kişilərə deyil, həmçinin qadınlara da aid edilir.



Qadın təhsil almaqla ilk növbədə həyatda daha inamlı, daha cəsarətli fəaliyyət göstərir. Bu cür təhsilli qadınlar cəmiyyətdə öz hüquq və vəzifələrini düzgün dərk edirlər və eyni zamanda daim hüquq və azadlıqları uğrunda mübarizə aparırlar. Bundan başqa, qadın hər şeydən əvvəl anadır. Ana hər bir övladını tərbiyə edərkən çox böyük məsuliyyət daşıyır. O ölkənin gələcək nəslini