Kimin fikiri idi Eşqi ürəkdə saxlamaq?
Və ürəkləri kirayəlik evlərə bənzətmək..
Kimin işi çətin idi ayrılıqda,
Vida edəninmi yoxsa bir vidanı övladlığa götürəninmi?

Kimin üzünə tüpürməli idi həyat,
Maska taxanınmı yoxsa o maskanı endirəninmi?

Bir qadın kiminlə sevişməli idi,
Kimə sarılmalı idi qolları ya da kimin qoynunda olmalı idi,
Cibi pullunun,
Yoxsa uğrunda ölənin?

Kim idi dost..
Keçib gedən illərmi,
Yoxsa tortun üzərində söndürülən şamlarmı?

Kim idi Eşq,
Yanında olmayan tərk edən ,
Yoxsa yanında qalaraq ağrıdan ?

Bir Adam bir qadını ölüm onları ayırana qədərmi sevməlidir ?,
Yoxsa qadına ehtirasi bitənə qədər?
Ünvanlar başqa aldatmalar eyni ?
Saatlar xəyanəti göstərdisə gecənin geç vaxtlarının günahı nədi?

Sevərək ayrılma dəbini ilk başladan kim idi ,
Kimin fikiri idi sonsuza qədər dost qalmaq?
Kim idi eşqini ilk kağızlara yazan..

Son gecə son siqareti içmək üçün sevişmək?
Yoxsa qapılar bağlananda ayaq səslərini dinləyib ağlamaqmı bacarıq idi?

Gedən kim idi,
Qalan kimin idi?
Bu ayrılığı kim kəşf etdi?

***
Və geri dönməməyi gedənlərə,
Kimlər öyrətdi?