20 ilə yaxındır həyatımızın ayrılmaz hissəsinə çevrilən telefonla bağlı başımıza yüzlərlə hadisə gəlir. Telefonda uydurduğumuz bəhanələr, telefonda yüksək səslə danışmaq, qısa "vızıv"lar... bunların hamısı telefonla bağlı şablonlardır...

Biz də seçib sizə telefonla bağlı 20 şablon halı təqdim edirik...

1.Çox vacib bir şey danışmalıyıq
Yüksək səslə telefonda danışıb həyatını camaata dinlədən bir tip insanlar var. Guya telefondakı ilə çox vacib və həyati məsələni danışır. Bunun üçün bir az alçaq səslə danışmaq lazım deyil, sizcə?

2.Vızıvkoliklər
Telefonla bağlı şablonlardan biri də "vızıv" atmaqdır. Heç telefonun melodiyasının ilk notların belə eşidə bilmirsən. Ani bir qığılcım kimi "vızıv" atmağı yəqin ki hər adam bacarmaz.

3.Hansı melodiya yaxşıdı?
Telefonu yeni alan adamlarda və ya uşaqlarda belə bir adət var: telefona melodiya tapmaq. Ərinməz-ərinməz bütün melodiyaları dinləyən və seçməyə çalışan tiplər ətrafındakıları az qala dəli edirlər.

4.Öz-özünə danışanlar
Bəzən avtobus və ya maşınla keçəndə bəzilərinin öz-özünə danışa-danışa getdiyini görürük. Əslində, bilirik ki, telefonun qulaqlığı ilə danışır, amma yenə də çox gülməli görünür bu səhnə.

5.Telefonumu dəyişmişəm, nömrələr itib
Bəzən sevmədiyiniz bir adamın nömrəsini telefona qeyd etmirik. Vay o gündən ki, həmin adam zəng vura və telefona adını yazmadığını başa düşə. İlk şablon belə olur: telefonumu dəyişmişəm, bütün nömrələr silinib. Nə yaxşı zəng vurdun, indi yazaram adını. Bu cümlə o qədər şablon olub ki, doğru olduğu halda da adamın inanmağı gəlmir.

6.Kimdə "yükləmə" cihazı var?
"Nazik Nokia "zaryatka"sı kimdə var?", "Samsung "zaryatka"sı kimdə var?" sualını verən adam niyəsə özünün gəzdirmədiyi bir şeyi, başqalarının gəzdirdiyini sanır və "əşiii işdə olmamış olmaz" deyə kolleqalarına güvənir.

7.Bitmək bilməyən sevgili söhbətləri
Xüsusən, ictimai nəqliyyatda rastımıza çıxan bu cür söhbətlər insanın bütün əsəblərinə toxunur. Sakit və naz-qəmzəli gedən söhbətlərdən "səni