Martin Svetlitskinin şeirlərini təqqdim edir.
Çətirlər

Mən nəsə deyirəm.
Nəsə deyirəm.
Nəsə deyirəm, amma istərdim ki,
hər şey özü danışaydı,
özü baş verəydi,
özü başlayaydı,
özü qurtaraydı.

Mən nəsə deyirəm, amma beynimdə
köhnə telefon nömrələri,
unudulan ünvanlar,
çoxlu-çoxlu
iyrənc söyüşlər.

Yaxşı,
çətirsiz get
islan.

Qalan heç nə
heç yana qaçmayacaq
kibrit qutusundakı
telefon nömrəsi kimi…

Cənab Traktor

İcazə verməmək
heç nəyə.
Qadağan etmək
hər şeyi.

Komendant saatı
tətbiq etmək
on beş otuzdan.

İcazə verməmək
heç nəyə.
Qadağan etmək
hər şeyi.

Mənimlə sənin aranda
polis nəfəri
qoymaq.

İcazə verməməmk
heç nəyə.
Qadağan etmək
traktoru.
Qadağan etmək
kişini.
Qadağan etmək
qadını.
qadağan etmək
evi.
qadağan etmək
tramvayı
Qadağan etmək
yumurtanı.
Qadağan etmək
hər şeyi.

Tələ

Qar. Yağış.
Ətrafda itlər var.
Tanıyıram bəzilərini.

Yanılma

yüz dəfə, yəqin, asan olardı,
əgər səhv etsəydim. amma haqlıyam:
sən – bu şəhərin ən yaxşı yerisən,
onun mərkəzi məntəqəsisən.
Şəhərə qayıdanda sənə qayıdıram.
Şəhər sadəcə yoxdur, sən olmasan. Enir
dekorasiyalar. Külqabı qalır. Xarabalıqlar.
Gecə səni tapmaq olar itirilmiş
açarların, lələk-qələmlərin və sənədlərin arasında.
Şəhər qalacaq, sən istəsən.
Şəhər qeyb olacaq, sən istəsən.