Xanəmirin şeirlərini təqdim edir.
Şeirlər

1.ümmətin erkəyi

ey dadi bidad danəndə dəhan dərviş d…

bu gün erkək ona deyərəm
çəksin bəsmələsin min halla
müsk-ənbər içində varsın namaza
rəngini dəyişsin səcdədə alnının tən ortası
qiyama qalxdığında yeri də alnında qaldırsın

əllərini çarpazlayıb bağlasın öndə
dörd yanında ulum ulum ulasın fatihəni nəfəslər
sağ əl açılanda sol biləkdən mahşər hələ gəlməsin
əllərinin baş barmağın qulaqlarının ardında sivazlasın
donmuş gözü kipriklərin ram eyləsin aman verməsin

səcdədən qalxan qara başın qafil fil fail
sağıyla soluyla hallaşıb halallaşması yoxmu
üzü suyu hörmətinə onun salavat çəkib
dualayıb için-dışın yakarsın uyumasın dan yüzünə qədər
gün ışara ışarda şükürlənib yumsun da gözlərini
kişi belə namuslu olar qeyrətli olar ey dağlar oğlu dağ oğrusu

2. qan oyaq adəmlər oyaq

ey dili qafil fil faili məchul fani f…

nə etsəm kölgəsi qoyun uyutacaq
qoyunun mələrtisindəki uyku kölgəni uzatacaq
açıldıqca çölün ağzında qara başımın qayğusu
üzümü ilk qarşılayan günəş verəcək ışığı ehsan
yovşanı yarpıza dönmüş çöl dəprəşir ha
atar damarın sıpsıcaq qanımda adəmlər oyaq

yavrum bu bozkırlar daşsa da yazımızla yazkımızla
rüzgarın seyrək ağzındakını oxumadıq sona dək
dağ başlarında ulusumun təcəllası inzivayla
sinəmin ərş taxtında versin qərarını
qut-umu dağ başlarında təkliyə yaxdım
səyridi çöhrəmdə qərarım
gözlərim ışığı bir daha çəkdi qarasına kamına

mən aşıq çöl uladı sevdamı canda arıtdı
börülər burnu ucunda budadı havanı ılıtdı
yenisey boyunca tanrı dağlarından enən quşlar halay gedir
qafil nə haydasan bir buludun leysanı söndürməz çölün xətrini qədərini

indi dilim-dilçəyim çöl oxur naxır çölü sağdan sola oxur
bir türküylə acısın götürürəm ili min qayğulu sevdamın

aç ecazını bir toxluğu könlə od salan miras mənə qalsın
silkinib çıxım acıların hecasından u sədasıyla barışım
hilal caynağına keçirsin yakamı daşsın akar sular
bir gecədə sinəmin yanğınlarına saysın