Kabir Edmund Helminskinin essesini təqdim edir.
Qorxu, Yoxsa Sevgi Dini?

Nitq üç cür olur: birincisi nəfsin istəyindən, ikincisi ağıldan, üçüncüsü isə sevgidən irəli gəlir. Nəfsin sonucu olan danışıq bayağıdır, narahatlıq doğurur; ondan nə danışanı feyz aparır, nə də dinləyəni. Ağıldan gələn nitqi alimlər və ağıl sahibləri qəbul edirlər. Bu nitq danışanına və dinləyicisinə yalnız zövq verir. Sevgidən qaynaqlanan nitq isə ləzzət bəxş edib, danışanını və dinləyicisini göylərə qaldırır. ~ Mövlana Rumi

Əziz dostlar, Adəm ailəsinin Övladları, Yolun (ruhani yolu nəzərdə tutur – tər. E. V.) bacı və qardaşları, mən ümidsizlik və inamsızlıq doğurub bizə meydan oxuyan, ən əsası isə bizdən ən yaxşı əsl ruhani baxışı uman zamana və onun imkanlarına diqqətimizi çəkmək istərdim. Bu xüsusda, bəlkə, bəzilərinizə qəribə, bəzilərinizə də yeni təsir bağışlayacaq bir neçə fikirlər irəli sürəcəyəm. Sizdən bir qədər səbirli və düşüncəli olmağınızı xahiş edirəm.

Təxminən 35 il olar ki, mən əsasən qeyri-müsəlmanlara Amerikada sufizmi öyrədirəm. Bu zaman müddətində mən islamı sufizmin təməli və konteksi kimi təqdim etmişəm. Lakin bir sıra səbəblərdən dolayı bu üsul ortodoks islamı əksər Amerika məscidlərində irəli çəkmək işinə uyğun və faydalı deyil.

Tərəddüdsüz deyə bilərəm ki, qutsal ruhanilik və nəhayyət, böyük və tükənməz sevgi ilə varlığın bütün fundamental suallarını lazımınca cavablayan hərtərəfli konteksi mən islam sufizmində tapmışam.

Biz burada – Amerikada islamın skeletindən ehtiyac üzündən istifadə edirik. Ona görə ki, bizim işlədiyimiz adamlar Yaxın Şərqin, yaxud da Asiyanın kültür gənələklərini qəbul etməkdə, demək olar ki, maraqlı deyillər. Onların bəzi hallarda dinə olan az-çox marağı da öz-özünə yaranır. Belə ki, müxtəlif ezoterik öyrətimləri və texnikaları təcrübədən keçirdikdən sonra onların əksəriyyəti qəlblərinin arzuladığı nəyisə aramağa başlayır. Biz özümüz də zamana ruhani adekvat ola biləcək ən kamil ruhani yolu belə axtarıb tapmışıq. Bir