İtmiş üzük 16 il sonra yetişən kökdən çıxdı

İsveçdən olan qadın 1995-ci ildə 7 brilyant qaşlı ağ qızıldan olan nişan üzüyünü itirmişdi. O vaxt üzüyü nə qədər axtarsalar da tapa bilməmişdilər. Heç kəsin ağlına belə gəlməzdi ki, 16 ildən sonra bu üzük tapılacaq. Maraqlısı isə üzüyün tapılması yox, onun haradan tapılması idi. Üzük… həyətlərində yetişən kökdən tapıldı. Belə izah olundu ki, üzük o vaxt su kranından həyəti suvaran qurğuya düşmüş, oradan torpağa keçmişdir. Üzüyün torpaqdan yox, orada yetişən bitkidən tapılması isə lap böyük təəccübə səbəb oldu.